ကုန်ပစ္စည်းများ၏ နိုင်ငံကူးလက်မှတ် ATA Carnet

Written by  //  May 30, 2017  //  UMFCCI News  //  No comments


ATA Carnet is passport for goods! ဆိုသကဲ့သို့ပင် နိုင်ငံတကာနှင့် ကုန်သွယ်မှုချိတ်ဆက်ဆောင်ရွက်ရာတွင် များစွာ အရေးပါသည့် နိုင်ငံတကာ အကောက်ခွန် စာရွက်စာတမ်းတစ်ခုဖြစ်ကာ တရားဝင် Chamber of Commerce မှ အသိအမှတ်ပြုထုတ်ပေးသော စာရွက်ဖြစ်သည်။

မိမိတို့ကုန်ပစ္စည်းများကို နိုင်ငံရပ်ခြားတိုင်းပြည်များသို့ တင်ပို့ရာတွင်၊ ကုန်ပစ္စည်း ပြပွဲများ သွားရောက် ပြသရာတွင် Bonds, Duty, Tax နှင့် အကောက်ခွန် လုပ်ရိုးလုပ်စဉ်များ ပေးဆောင်စရာမလိုဘဲ ယာယီ တင်သွင်းခွင့်၊ တင်ပို့ခွင့် ရရှိမည်ဖြစ်မည်။

ATA Carnet ကို နိုင်ငံပေါင်း ၆၃ နိုင်ငံ၏ သဘောတူညီမှုရရှိခဲ့ပြီး ATA Carnets အသုံးပြုသူများမှာ စီးပွားရေးလုပ်ငန်းရှင်များ၊ ခရီးသွားလုပ်ငန်းလုပ်ကိုင်သူများ၊ နည်းပညာရှင်များ၊ Exhibitor များ၊ တစ်ခြား Professional အဖွဲ့ဝင်များအဖြစ် အနုပညာရှင်များ၊ ဆရာဝန်များ၊ ဗိသုကာလုပ်ငန်းရှင်များ၊ အင်ဂျင်နီယာများ၊ ပညာရေး နယ်ပယ်မှ ပုဂ္ဂိုလ်အသီးသီးတို့ပါဝင်သည်။

ATA Carnet System Workshop ကို International Chamber of Commerce – ICC Asia နှင့် ကုန်သည်စက်မှုအသင်းချုပ်တို့ ပူးပေါင်း၍ ၃၀.၅.၂၀၁၇ ရက်နေ့တွင် စတင်ကျင်းပကာ နှစ်ရက်တာ ကျင်းပမည်ဖြစ်ပြီး အဆိုပါ အလုပ်ရုံဆွေးနွေးပွဲမှသည် မြန်မာနိုင်ငံသည် ATA Carnet System အသင်းဝင် ဖြစ်လာစေရေး ရည်ရွယ်သည်။
ICC Asia ၏ Executive Director, Mrs.Lee Jusoung မှ အသင်းချုပ်တွင် လာရောက်ရှင်းလင်းဆွေးနွေးခဲ့သည်။

ATA Carnet System သည် ကုန်သွယ်မှု လွယ်ကူချောမွေ့စေရေး (Trade Facilitation) ကို အဓိက အထောက် အကူပြုမည်ဖြစ်ပြီး ၊ တိုင်းပြည်၏အခွန်ဘဏ္ဍာငွေ ဆုံးရှုံးမှု အလေအလွင့်မရှိစေရေးနှင့် နိုင်ငံတကာ ကွန်ယက်နှင့် ချိတ်ဆက်မှု ရရှိစေရေး တို့အတွက် အဓိကကျသည်။

ATA Carnet မှာ အကျုံးဝင်သည့် ကုန်ပစ္စည်းများ၊ အကျုံးမဝင်သည့် ကုန်ပစ္စည်းများ ၊ ATA Carnet ၏ format ပုံစံနှင့် အသေးစိတ် ကို certification@sicc.com.sg သို့ မေးမြန်း၍လည်းကောင်း၊ ဝဘ်ဆိုဒ် www.sicc.com.sg တွင်လည်းကောင် ၊ ATA Carnet အကြောင်း လေ့လာနိုင်သည့် စာအုပ်များကို ကုန်သည်စက်မှုအသင်းချုပ်တွင် လာရောက်ကြည့်ရှုနိုင်ပါသည်။

ကုန်သည်စက်မှုအသင်းချုပ်

About the Author

View all posts by

Leave a Comment

comm comm comm