ကုန်သည်စက်မှုအသင်းချုပ်ဥက္ကဋ္ဌနှင့် JCCI ဥက္ကဋ္ဌ တွေ့ဆုံ

Written by  //  August 30, 2014  //  UMFCCI News  //  No comments

ပြည်ထောင်စုသမ္မတမြန်မာနိုင်ငံ ကုန်သည်များနှင့် စက်မှုလက်မှုလုပ်ငန်းရှင်များအသင်းချုပ် ဥက္ကဋ္ဌ ဦးဝင်းအောင် သည် ဂျပန်နိုင်ငံ ကုန်သည်စက်မှုအသင်း (Japanese Chamber of Commerce and Industry-JCCI) ဥက္ကဋ္ဌ နှင့် အာဆီယံ-ဂျပန် စီးပွားရေးကောင်စီ ဂျပန် Section ဥက္ကဋ္ဌ Mr. Akio Mimura ဦးဆောင်သော ဂျပန်စီးပွားရေး ကိုယ်စားလှယ် အဖွဲ့အား ၂၀၁၄ ခုနှစ် သြဂုတ်လ ၂၆ ရက်နေ့မွန်းလွဲပိုင်းက နေပြည်တော် Horizon Hotel ၌ လက်ခံတွေ့ဆုံခဲ့ပါသည်။
222
တွေ့ဆုံရာတွင် 1st ASEAN-Japan Public Private Dialogue အခမ်းအနားအား နေပြည်တော်၌ ကျင်းပသည့် ၄၆ ကြိမ်မြောက် အာဆီယံစီးပွားရေး အစည်းအဝေးများနှင့် ဆက်စပ်ကျင်းပနိုင်ခဲ့ခြင်း၊ ၄င်းအစည်းအဝေးမှ အာဆီယံနိုင်ငံများနှင့် ဂျပန်နိုင်ငံအကြား ရင်းနှီးမြှုပ်နှံမှုများ မြှင့်တင်သွားနိုင်မည့် ကိစ္စ၊ လာမည့်နှစ် ဖေဖော်ဝါရီလတွင် နှစ်စဉ်ကျင်းပနေသည့် ဂျပန်-မြန်မာ စီးပွားရေးပူးပေါင်းဆောင်ရွက်ရေး ၁၁ ကြိမ်မြောက် အစည်းအဝေးအား မြန်မာနိုင်ငံ၌ ကျင်းပသွားနိုင်ရေး နှင့် ကဏ္ဍစုံမှ ဂျပန်လုပ်ငန်းရှင်များ လာရောက်နိုင်ရေး၊ သီလဝါအထူးစီးပွားရေးဇုန်တွင် ဂျပန် လုပ်ငန်းရှင်များ ပိုမိုရင်းနှီးမြှုပ်နှံနိုင်ရေး၊ အသင်းချုပ်နှစ်ခု ပူးပေါင်း၍ နှစ်နိုင်ငံ အသေးစားနှင့်အလတ်စား လုပ်ငန်းရှင်များ တိုးတက်နိုင်ရေးအတွက် ထိရောက်သည့် အစီအစဉ်များ အကောင်အထည်ဖော်သွားနိုင်ရေးတို့နှင့် စပ်လျဉ်း၍ ဆွေးနွေး ခဲ့ကြပါသည်။
33
အဆိုပါ ဆွေးနွေးပွဲသို့ ပြည်ထောင်စုသမ္မတမြန်မာနိုင်ငံ ကုန်သည်များနှင့်စက်မှုလက်မှုလုပ်ငန်းရှင်များ အသင်းချုပ် ဥက္ကဋ္ဌ ဦးဝင်းအောင်၊ အမှုဆောင်အရာရှိချုပ် ဦးတင့်ဆွေနှင့် တာဝန်ရှိသူများ၊ ဂျပန် ကုန်သည်စက်မှုအသင်း (Japanese Chamber of Commerce and Industry-JCCI) ဥက္ကဋ္ဌ နှင့် အာဆီယံ-ဂျပန် စီးပွားရေးကောင်စီ ဂျပန် Section ဥက္ကဋ္ဌ Mr. Akio Mimura နှင့် ဂျပန်စီးပွားရေး လုပ်ငန်းရှင်ကြီးများ တက်ရောက်ခဲ့ကြပါသည်။

About the Author

UMFCCI Administration Team. Please contact the Public Relations Unit at UMFCCI, Tel: 01-2314344 Ext 323.

View all posts by

Leave a Comment

comm comm comm