ကုန်သည်စက်မှုအသင်းချုပ် အလုပ်အမှုဆောင်အဖွဲ့သစ်အား အတည်ပြု ရွေးကောက်တင်မြှောက်

Written by  //  September 17, 2016  //  Notifications, UMFCCI Election, UMFCCI News  //  No comments

ယနေ့ကျင်းပသည့် ရွေးချယ်တင်မြှောက်ပွဲမှ ၂၀၁၆-၂၀၁၉ ခုနှစ်အတွက် ကုန်သည်စက်မှုအသင်းချုပ်ကို တာဝန်ယူကိုယ်စားပြုမည့် အလုပ်အမှုဆောင်အဖွဲ့သစ်အား အတည်ပြုရွေးကောက်တင်မြှောက်လိုက်ပါသည်။

သုံးနှစ်တစ်ကြိမ်ကျင်းပသည့် အလုပ်အမှုဆောင်ရွေးချယ်တင်မြှောက်ပွဲတွင် အသင်းဝင်ကိုယ်စားလှယ်ပေါင်း ၁၁၃၄ ဦးက ၁၉၅ ဦးသော အမှုဆောင်အဖြစ်အရွေးချယ်ခံသူ ကိုယ်စားလှယ်များထဲမှ ၇၂ ဦးကို ဆန္ဒပြုတင်မြှောက်လိုက်ခြင်းဖြစ်ပါသည်။ ထို့ကြောင့် ကုန်သည်စက်မှုအသင်းချုပ်၏ အလုပ်အမှုဆောင်အဖွဲ့သစ်တွင် ညီနောင်အသင်းများမှ တိုက်ရိုက်စေလွှတ်သော ကိုယ်စားလှယ်များနှင့်အတူ စုစုပေါင်း အမှုဆောင်ဦးရေ ၁၄၄ ဦး ပါဝင် ပါသည်။

ဆန္ဒမဲရေတွက်ခြင်းလုပ်ငန်းစဉ်တစ်ခုလုံးတွင် Win Thin & Associates Audit Firm မှ တာဝန်ရှိသူများ၊ အသင်းချုပ်ရွေးကောက်ပွဲ ကော်မရှင်လူကြီးများနှင့် မီဒီယာများက စောင့်ကြည့်ခဲ့ကြပါသည်။ ဆန္ဒမဲများ ရေတွက်နေခြင်းအား ခန်းမကြီးအတွင်း LED Screen ဖြင့် ပြသခဲ့ပြီး၊ ရွေးကောက်ပွဲလုပ်ငန်းစဉ်တစ်ခုလုံးအား Facebook Page တွင် Live Video ပြသခဲ့ပါသည်။

ကုန်သည်စက်မှုအသင်းချုပ် ဗဟိုအလုပ်အမှုဆောင်အဖွဲ့သစ်အား ရွေးချယ်တင်မြှောက်ခြင်းနှင့်အတူ အသင်းချုပ် ဥက္ကဌသစ်နှင့် အခြားကိုယ်စားပြုနေရာများအတွက် ရွေးကောက်ခြင်းကို ဆက်လက်လုပ်ဆောင်သွားမည်ဖြစ်ပြီး ဥက္ကဌနေရာနှင့် အထွေထွေအတွင်းရေးမှူးချုပ်နေရာအတွက် အရွေးချယ်ခံလိုသူများက အသင်းချုပ်ခန်းမအတွင်း မဲဆွယ်ဟောပြောသွားမည်ဖြစ်ပါသည်။

အဆိုပါရွေးကောက်ပွဲလုပ်ငန်းစဉ်များအားလည်း အသင်းချုပ် Facebook Page: www.facebook.com/UMFCCI တွင် Live Video ဖြင့် ဆက်လက်ရိုက်ကူးပြသွားမည်ဖြစ်ကြောင်း အသိပေးအပ်ပါသည်။

UMFCCI EC Members 2016-2019

Download (PDF, 1.77MB)

ကုန်သည်စက်မှုအသင်းချုပ်

About the Author

UMFCCI Administration Team. Please contact the Public Relations Unit at UMFCCI, Tel: 01-2314344 Ext 323.

View all posts by

Leave a Comment

comm comm comm