ချင်းပြည်နယ် ပုဂ္ဂလိကကဏ္ဍဖွံ့ဖြိုးတိုးတက်ရေး ပထမဆုံးအကြိမ် တွေ့ဆုံဆွေးနွေး

Written by  //  June 27, 2017  //  Association News  //  No comments

ချင်းပြည်နယ် ကုန်သည်များနှင့် စက်မှုလက်မှုလုပ်ငန်းရှင်များအသင်းက ဦးဆောင်၍ ချင်းပြည်နယ် ပုဂ္ဂလိကကဏ္ဍ ဖွံ့ဖြိုးတိုးတက်ရေးအတွက် အလုပ်ရုံဆွေးနွေးပွဲတစ်ရပ်ကို ကုန်သည်စက်မှုအသင်းချုပ်၌ ကျင်းပကာ ချင်းပြည်နယ်အစိုးရ၊ ချင်းတိုင်းရင်းသားများနှင့်အတူ ချင်းလုပ်ငန်းရှင်များက တွေ့ဆုံဆွေးနွေးခဲ့ကြသည်။

ချင်းလူမျိုးများအနေဖြင့် တစ်ဦးတစ်ယောက်၊ တစ်ပိုင်တစ်နိုင်ဖြင့် မိသားစု စားဝတ်နေရေးအတွက် အသက်မွေးဝမ်းကြောင်းပြုလုပ် နေထိုင်ခဲ့ကြသူများဖြစ်သော်လည်း ယခုခေတ်တွင် တစ်ပိုင်တစ်နိုင် လုပ်ကိုင်ခြင်းထက် အများဖြင့် စုပေါင်းလုပ်ကိုင်ခြင်းက ပိုမိုအကျိုးဖြစ်ထွန်းပြီး လုပ်ငန်းကြီးများလုပ်ငန်းနိုင်မည်ဟု ချင်းတိုင်းရင်းသားများ သဘောပေါက် လက်ခံလာကြကြောင်း ချင်းပြည်နယ် ကုန်သည်စက်မှုအသင်း ဥက္ကဋ္ဌ ဦးလျန်ကျုံးနှုံးက ပြောသည်။
“အရင်းအနှီးများပေါင်းစပ်ပြီး မိမိဒေသ မိမိလူမျိုးများအတွက် အလုပ်လုပ်ကြမည်ဆိုရင် လွန်ခဲ့သော နှစ်ပေါင်းများစွာထက် လုပ်ငန်းရှင်များအတွက်သော်လည်းကောင်း၊ ဒေသအတွက်သော်လည်းကောင်း အကျိုးများစွာ ရှိပါလိမ့်မယ်” ဟု ဦးလျန်ကျုံးနှုံးက ပြောသည်။

ချင်းပြည်နယ်ဝန်ကြီးချုပ် Salai Laian Luai က ချင်းပြည်နယ်အနေဖြင့် စီးပွားရေးလုပ်ငန်းများ ဖွံ့ဖြိုးတိုးတက်ရေးအတွက် လမ်းပန်းဆက်သွယ်ရေး အဓိကလိုအပ်လျက်ရှိကြောင်း ပြောသည်။ အစိုးရအနေဖြင့် လေယဉ်ကွင်းများ တည်ဆောက်ရန်ရှိသည့်အတွက် ချင်းပြည်နယ်မှာ နောက်နှစ်ကာလများတွင် စီးပွားရေးလုပ်ငန်းများ ဖွံ့ဖြိုးတိုးတက်လာနိုင်မည်ဖြစ်ကြောင်း၊ လမ်းပန်းဆက်သွယ်ရေးများ ကောင်းမွန်စေရေးနှင့် လျှပ်စစ်ကဏ္ဍ ဖွံ့ဖြိုးတိုးတက်ရေးတို့အတွက် ကြိုးပမ်းလျက်ရှိကြောင်း၊ နိုင်ငံရပ်ခြားတွင်ရှိသည့် ချင်းလူမျိုးများအနေဖြင့် ပြည်တွင်းရှိ ချင်းတိုင်းရင်းသားများနှင့် စီးပွားရေးလုပ်ငန်းများ ပူးပေါင်းစေရေး ဆောင်ရွက်စေလိုကြောင်း ပြောကြားခဲ့သည်။

ကုန်သည်စက်မှုအသင်းချုပ် တွဲဖက်အထွေထွေအတွင်းရေးမှူး ဦးမျိုးသန့်က ကုန်သည်စက်မှုအသင်းချုပ် အနေဖြင့် စီးပွားရေး၊ ပညာရေး၊ ဘဏ္ဍာရေး ကဏ္ဍများအားလုံး၌ နိုင်ငံတော်အစိုးရနှင့် ပူးပေါင်းဆောင်ရွက်လျက်ရှိပြီး၊ နိုင်ငံတော် ဒုတိယ သမ္မတ (၁) နှင့် စီးပွားရေးလုပ်ငန်းများ ဖွံ့ဖြိုးတိုးတက်ရေးအတွက် လစဉ်တွေ့ဆုံဆွေးနွေးမှုများ ပြုလုပ်လျက်ရှိကြောင်း၊ ကုန်သည်စက်မှုအသင်းချုပ်အနေဖြင့် ချင်းပြည်နယ်ကုန်သည်စက်မှုအသင်းအား လိုအပ်သည့် အကူအညီများကို တတ်နိုင်သလောက် ပံ့ပိုးကူညီသွားမှာဖြစ်ကြောင်း ပြောကြားခဲ့ပါသည်။

ဆွေးနွေးပွဲတွင် ချင်းပြည်နယ် ပုဂ္ဂလိက ကဏ္ဍဖွံ့ဖြိုးတိုးတက်ရေးအတွက် ပူးပေါင်းဆောင်ရွက်လိုသူများအား ပြည်နယ်ကုန်သည်စက်မှုအသင်းသို့ ပါဝင်ကာ လက်တွဲဆောင်ရွက်နိုင်ရေး ညှိနှိုင်းစီစဉ်ခဲ့ကြသည်။
အလုပ်ရုံဆွေးနွေးပွဲအား ဇွန်လ ၂၆ ရက်တွင် ကုန်သည်စက်မှုအသင်းချုပ် မြေညီထပ်၌ ကျင်းပပြုလုပ်ခဲ့ခြင်း ဖြစ်ပါသည်။

ကုန်သည်စက်မှုအသင်းချုပ်

About the Author

View all posts by

Leave a Comment

comm comm comm