ဂျပန်နိုင်ငံ Ehime Prefecture နှင့် စီးပွားရေးဆိုင်ရာတွေ့ဆုံဆွေးနွေးပွဲကျင်းပ

Written by  //  January 21, 2016  //  Business Matching, MOUs, UMFCCI News, Uncategorized  //  No comments

၂၀ ဇန်နဝါရီ ၂၀၁၆
ဂျပန်နိုင်ငံ Ehime Prefectureမှ စီးပွားရေးလုပ်ငန်းရှင်များ နှင့် မြန်မာလုပ်ငန်းရှင်များ စီးပွားရေး ဆိုင်ရာတွေ့ဆုံဆွေးနွေးပွဲ၊ ဂျပန်နှင့်မြန်မာ ပြည်ပအလုပ်သမားဝန်ဆောင်မှုအဖွဲ့တို့ နားလည်မှုစာချွန်လွှာ ရေးထိုးပွဲကို ၂၀၁၆ခုနစ်၊ ဇန်န၀ါရီလ ၂၀ ရက်နေ့တွင် ကုန်သည်စက်မှုအသင်းချုပ် တတိယထပ် အစည်းအဝေးခန်းမ၌ ကျင်းပခဲ့ပါသည်။
1
အဆိုပါအစည်းအဝေးတွင် ကုန်သည်စက်မှုအသင်းချုပ်ဥက္ကဌ ဦးဝင်းအောင်မှ အဖွင့်အမှာစကား ပြောကြားရာ ဂျပန်နိုင်ငံမှ ပြည်ပအလုပ်သမား လက်ခံဆောင်ရွက်ပေးသော ၀န်ဆောင်မှုအဖွဲ့နှင့် မြန်မာနိုင်ငံ ပြည်ပ အလုပ်အကိုင် ရှာဖွေရေး ၀န်ဆောင်မှုအဖွဲ့(MOEAS) တို့ နားလည်မှုစာချွန်လွှာ ရေးထိုးသည်မှာ အသင်းချုပ်အနေဖြင့် များစွာ ဂုဏ်ယူဝမ်းမြောက်မိပါကြောင်း၊ ဂျပန်နိုင်ငံမှ စီးပွားရေးလုပ်ငန်းရှင်များ၊ မန်မာစီးပွားရေးလုပ်ငန်းရှင်များနှင့် ယခုကဲ့သို့ စီးပွားရေး ဆိုင်ရာ တွေ့ဆုံဆွေးနွေးပွဲ များပြုလုပ်သည်မှာ အလွန်အကျိုးရှိတဲ့ တွေ့ဆုံမှုဖြစ်ပါကြောင်း ၊ မြန်မာ-ဂျပန် နှစ်နိုင်ငံမှာ ကုန်သွယ်မှုကဏ္ဍ နှင့် ရင်းနှီးမြှုပ်နှံမှုကဏ္ဍတို့မှာ အများဆုံးဖြစ်ပါကြောင်း၊ ဂျပန်နိုင်ငံကဲ့သို့ စီးပွားရေးဖွံ့ဖြိုးတိုးတက်ေ ရးဆောင်ရွက်ရန်လို အပ်၍ မြန်မာနိုင်ငံတွင် ကုန်ထုတ်စွမ်းအားများ တိုးမြှင့်ရေး၊ လူမှုဘ၀မြှင့်တင်ရေး အလုပ်အကိုင်အခွင့်အလမ်းများ တိုးတက်ရေးတို့ကို တိုးချဲ့လုပ်ဆောင်ရန် လိုအပ်ပါကြောင်းပြောကြားခဲ့ပါသည်။
2
ထို့နောက် ဂျပန်နိုင်ငံ Ehime Prefecture မှ Governor ဖြစ်သူ Mr. Tokihiro NAKUMURAမှ Ehime ခရိုင်တွင် အဓိကလုပ်ငန်းမှာ ကုန်ထုတ်လုပ်မှု၊ စိုက်ပျိုးရေး၊ မွေးမြူရေးကဏ္ဍများ ဖြစ်၍ အဓိကစိုက်ပျိုးသီးနှံမှာ လိမ္မော်သီးစိုက်ပျိုးရေးဖြစ်ကြောင်း၊ Ehime ခရိုင်သည် စက်ရုံများ၊ စက္ကူလုပ်ငန်းများနှင့် စက်မှုလက်မှု ထွန်းကားရာခရိုင်ဖြစ်ကြောင်း၊ လုပ်ငန်းလည်ပတ်စေရန်ထောက်ပံ့မူမှာ အသေးစားနှင့်အလတ်စား စက်မှု လုပ်ငန်းများ ဖြစ်ပါကြောင်း ပြောကြားခဲ့ပါသည်။
3

4
ထို့နောက် ဂျပန်နိုင်ငံနှင့် မြန်မာနိုင်ငံမှ ပြည်ပအလုပ်သမားဝန်ဆောင်မှုအဖွဲ့တို့ နှစ်နိုင်ငံနားလည်မှု စာချွန်လွှာရေးထိုးခဲ့ပြီး ဆက်လက်၍ ဂျပန်နိုင်ငံမှ စားသောက်ကုန်လုပ်ငန်းရှင်များ၊ ပင်လယ်ရေထွက်ပစ္စည်း လုပ်ငန်းရှင်များ၊မော်တော်ယာဉ်ရောင်းချခြင်း၊ ပြုပြင်ထိန်းသိမ်းရေးလုပ်ငန်း၊ မော်တော်ကားအရောင်းပြခန်းများ ၊ လယ်ယာစိုက်ပျိုးရေးသုံးစက်ပစ္စည်း၊ ဘွိုင်လာစက်ပစ္စည်းများနှင့် ဆက်စပ်ပစ္စည်းလုပ်ငန်းရှင်များ နှင့် မြန်မာလုပ်ငန်းရှင်များ စီးပွားရေးဆိုင်ရာ တွေ့ဆုံ ဆွေးနွေးပွဲအား ဆက်လက်၍ ကျင်းပခဲ့ကြပါသည်။
အဆိုပါအစည်းအဝေးသို့ ကုန်သည်စက်မှုအသင်းချုပ် ဥက္ကဌ ဦးဝင်းအောင်၊ ဒုတိယဥက္ကဌများ ဖြစ်ကြသော ဦးဇော်မင်းဝင်း၊ ဒေါက်တာမျိုးသက်နှင့် ဗဟိုအလုပ်အမှုဆောင်၊ အလုပ်အမှုဆောင်များ မြန်မာစီးပွားရေးလုပ်ငန်းရှင်များ နှင့် မြန်မာနိုင်ငံဆိုင်ရာ ဂျပန်သံအမတ်ကြီး Mr.Tateshi Higuchi ပါဝင်တက်ရောက်ခဲ့ကြပါသည်။
ကုန်သည်စက်မှုအသင်းချုပ်

5

6

About the Author

UMFCCI Administration Team. Please contact the Public Relations Unit at UMFCCI, Tel: 01-2314344 Ext 323.

View all posts by

Leave a Comment

comm comm comm