စီးပွား/ကူးသန်း ဝန်ကြီးနှင့် တွေ့ဆုံပွဲ ဒုတိယနေ့ ပြည်တွင်း လမ်းတံတားခွန်မြင့်မားနေခြင်းနှင့် ကုန်စည်ဝင်ပေါက်များတွင် တရားမဝင်ကုန်သွယ်မှုကို စနစ်တကျထိန်းချုပ်ရန် စီးပွားရေးလုပ်ငန်းရှင်အများစု တင်ပြခဲ့

Written by  //  April 24, 2016  //  UMFCCI News  //  No comments

1

2

ကုန်သည်စက်မှုအသင်းချုပ်၌ ဆက်လက်ကျင်းပသည့် စီးပွား/ကူးသန်း ဝန်ကြီးနှင့် ဒေါက်တာသန်းမြင့်နှင့် စီးပွားလုပ်ငန်းရှင်များတွေ့ဆုံပွဲ ဒုတိယနေ့တွင် စီးပွားရေးလုပ်ငန်းရှင်အများစုက လမ်းတံတားအခွန်အခများ မြင့်မားနေခြင်းကြောင့် ကုန်စည်သယ်ယူပို့ဆောင်ခအကုန်အကျများပြီး ကုန်ဈေးနှုန်းများမြင့်တတ်သည်အထိ အကျိုးသက်ရောက်လျက်ရှိကြောင်းနှင့် တရားမဝင်ကုန်သွယ်မှုကို တားဆီးရာတွင် မြို့တွင်း၌ Mobile Team များမှ ရှာဖွေဖမ်းဆီးခြင်းထက် ကုန်စည်ဝင်ပေါက်များဖြစ်သည့် လေဆိပ်၊ ရေဆိပ်နှင့် နယ်စပ်ဂိတ်များတွင် ခေတ်မီနည်းပညာများအသုံးပြု၍ စနစ်တကျထိန်းချုပ်သင့်ကြောင်း တင်ပြခဲ့ကြသည်။

3

4

5

ပြည်နယ်နှင့် တိုင်းဒေသကြီး ကုန်သည်အသင်းများ၊ နယ်စပ်ဒေသ ကုန်သွယ်ရေးအသင်းများ၊ နှင့် ကုန်စည်ဒိုင်များမှ ကိုယ်စားလှယ်များနှင့် အဓိကတွေ့ဆုံသော ယနေ့ ဧပြီလ ၂၄ ရက်နေ့ တွေ့ဆုံပွဲတွင် နယ်စပ်ဒေသကိုယ်စားလှယ်များက ရှမ်းပြည်နယ်၊ ရခိုင်ပြည်နယ်၊ တနင်္သာရီတိုင်းအစရှိသည့် ဒေသများသို့ လျှင်မြန်လွယ်ကူစွာ ကုန်စည်စီးဆင်းနိုင်ရေးအတွက် သယ်ယူပို့ဆောင်ရေးအခြေခံအဆောက်အအုံများ မြှင့်တင်တည်ဆောက်နိုင်ရန် အကြံပြုခဲ့ပြီး ကုန်သွယ်ရေးကို နှောင့်နှေးစေသည့် မော်တော်ယဉ်မူဝါဒများ ပြင်ဆင်နိုင်ရန် အကြံပြုခဲ့ကြသည်။

တရားမဝင်ကုန်သွယ်မှုကို Tracking and Tracing စနစ်ဖြင့် ထောက်လှမ်းအရေးယူနိုင်ရေး၊ လယ်ယာထုတ်ကုန်နှင့် စက်မှုထုတ်ကုန်မြှင့်တင်ခြင်းဖြင့် ပြည်ပပို့ကုန်တိုးမြှင့်ရေး ဆောင်ရွက်သွားရန်နှင့် မြန်မာ့စီးပွားရေးကို ခေတ်မီ E-Commerce စနစ်သို့ ရေရှည်တွင် ဖော်ဆောင်သွားရန်များပါ ဆွေးနွေးခဲ့ကြသည်။

ကုန်သည်စက်မှုအသင်းချုပ်

About the Author

UMFCCI Administration Team. Please contact the Public Relations Unit at UMFCCI, Tel: 01-2314344 Ext 323.

View all posts by

Leave a Comment

comm comm comm