တရုတ်နိုင်ငံ၏ နံပါတ် (၁) စာရင်းဝင် ကံတုန်ကုန်စည်ပြပွဲကြီးတွင် ၀င်ရောက်ပြသရန် မြန်မာနိုင်ငံကုန်သည်လုပ်ငန်းရှင်များအားဖိတ်ခေါ်

Written by  //  February 27, 2017  //  Trade Fairs and Exhibitions, UpComing Events  //  No comments

တရုတ်-မြန်မာ စီးပွားရေးပူးပေါင်းဆောင်ရွက်မှုကို အထောက်အကူပြုစေရန် နိုင်ငံခြားရင်းနှီးမြှုပ်နှံမှု တစ်ခုအဖြစ် တရုတ်နိုင်ငံ၏ နံပါတ် (၁) စာရင်းဝင် ကံတုန်ကုန်စည်ပြပွဲကြီးကို ၂၀၁၇ ခုနှစ်တွင် (၁၂၁) ကြိမ်မြောက် ကျင်းပပြုလုပ်မည်ဖြစ်ရာ ပြပွဲကို မြန်မာနိုင်ငံမှ ကုန်သည်လုပ်ငန်းရှင်များအား လာရောက်ပြသ ရန်အတွက် ဖေဖော်ဝါရီလ ၂၃ ရက်နေ့ ကုန်သည်စက်မှုအသင်းချုပ်၌ စာနယ်ဇင်းရှင်းလင်းပွဲ ကျင်းပ၍ ဖိတ်ခေါ်ခဲ့သည်။
တရုတ်နိုင်ငံကုန်သွယ်ရေးဝန်ကြီးဌာနနှင့် ဂွမ်ဒေါင်ပြည်နယ်၊ ပြည်သူအစိုးရတို့ကျင်းပသည့် ကံတုန် ပြပွဲသည် ကမ္ဘာ့အကြီးဆုံး နိုင်ငံတကာကုန်သွယ်ရေးပြပွဲကြီးဖြစ်ပြီး သွင်းကုန်၊ ထုတ်ကုန်ပစ္စည်းများကို ပြသခဲ့ သည်မှာ ၁၉၅၇ ခုနှစ်မှ စတင်ကျင်းပလာခဲ့ရာ နှစ်ပေါင်း (၆၀) ခန့်ရှိပြီဖြစ်သည်။

_1

ပြပွဲတွင် မလေးရှား၊ အင်ဒိုနီရှား၊ ထိုင်းနိုင်ငံ၊ ကိုရီးယား၊ အက်စတိုနီးယား၊ သြစတြေးလျ စသည့်နိုင်ငံတို့မှ
 လျှပ်စစ်နှင့် လျှပ်စစ်အိမ်သုံးပစ္စည်းများ၊
 အဆောက်အဦးအိမ်သုံးပစ္စည်းများနှင့် ကုန်မာပစ္စည်းများ၊
 စက်ကိရိယာပစ္စည်းများ၊
 အစားအသောက် နှင့် အိမ်သုံးပစ္စည်းများ၊
 အ၀တ်အထည်နှင့်အထည်အလိပ် ပစ္စည်းမျိုးစုံတို့ကိုပါဝင်ပြသမည်ဖြစ်သည်။
_2

တရုတ်ပြည်နှင့် အခြားနိုင်ငံအဖွဲ့အစည်း (၅၀) ကျော်မှ (၆၀၀၀) ကျော်အထိ ယခုအခါအပြည်ပြည်ဆိုင်ရာ ကုန်စည်ပြပွဲတွင် ပါဝင်ပြသမှုနှုန်း တိုးတက်လာခဲ့သည်။
မြန်မာနိုင်ငံမှ ကုန်သည်စီးပွားရေးလုပ်ငန်းရှင်များအနေဖြင့်လည်း အပြည်ပြည်ဆိုင်ရာ ကံတုန်ကုန်စည် ပြပွဲကြီးမှတစ်ဆင့် တရုတ်နိုင်ငံ (သို့) ကမ္ဘာ့ဈေးကွက်သို့ ထိုးဖောက်ဝင်ရောက်နိုင်ရန်အတွက် ကုန်သွယ် ပြသမှုများပြုလုပ်ကြရန် ဖိတ်ခေါ်ပါသည်။
ကံတုန်ကုန်စည်ပြပွဲကို ၂၀၁၇ ခုနှစ် ဧပြီလနှင့် မေလတို့တွင်ကျင်းပမည်ဖြစ်ပြီး အသေးစိတ်ကို သိရှိလိုပါက http://www.cantonfair.org.cn/international/ ကို ဆက်သွယ်စုံစမ်းနိုင်ကြောင်းသိရှိရသည်။

ကုန်သည်စက်မှုအသင်းချုပ်

About the Author

UMFCCI Administration Team. Please contact the Public Relations Unit at UMFCCI, Tel: 01-2314344 Ext 323.

View all posts by

Leave a Comment

comm comm comm