ထိုင်းနိုင်ငံ၊ မဲဆောက်မြို့ ‘Border Trade Exhibition’ ပြပွဲသို့ တက်ရောက်နိုင်ပါရန် ဖိတ်ကြားခြင်း

Written by  //  January 12, 2015  //  Trade Fairs and Exhibitions, UpComing Events  //  No comments

ထိုင်းနိုင်ငံနှင့် မြန်မာနိုင်ငံနယ်နိမိတ်ကြား စီးပွားရေးနှင့် ကုန်သွယ်မှု တိုးတက်စေရန်ရည်ရွယ်၍ ထိုင်းစီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ဦးဆောင်ကာ ထိုင်းနိုင်ငံ၊ မဲဆောက်မြို့တွင် ၂၀၁၅ ခုနှစ်၊ ဇန်န၀ါရီလ ၂၈ ရက်နေ့မှ ဖေဖော်ဝါရီလ ၁ ရက်နေ့ အထိ “Border Trade Exhibition 2015” ပြပွဲကို ကျင်းပပြုလုပ်မည်ဖြစ်ပါသည်။

ြ ပပွဲတွင် ခရီးသွားလုပ်ငန်း၊ ကုန်စည်ပို့ဆောင်ရေးနှင့် နှစ်နိုင်ငံအကြား ယဉ်ကျေးမှုဖလှယ်ရေး အစရှိသည့်ကဏ္ဍများ ပါဝင်ပြသကြမည်ဖြစ်ပြီး မြန်မာနိုင်ငံအတွက်ပြခန်း (၁၀) ခန်း ကို အခမဲ့ပေးမည် ဖြစ်ပါသည်။ ပြပွဲကျင်းပစဉ်အတွင်း Business Matching နှင့် ဟောပြောပွဲပါ ကျင်းပမည်ဖြစ်ပြီး အစည်းအဝေး သို့ တက်ရောက်မည့် မြန်မာ စီးပွားရေးလုပ်ငန်း ကိုယ်စားလှယ်ကုမ္ပဏီ (၁၀) ခု အတွက် တည်းခိုနေထိုင် စရိတ် နှင့် မြို့တွင်း လှည့်လည်သွားလာစရိတ်များကို ကျခံပေးမည်ဖြစ်ကြောင်းပါရှိပါသည်။

သို့ဖြစ်ပါ၍ အထက်ပါပြပွဲသို့ စိတ်ပါဝင်စား၍ တက်ရောက်လိုသော မြန်မာနိုင်ငံမှ စီးပွားရေးလုပ်ငန်းရှင်များ အနေဖြင့် ကုန်သည်စက်မှု အသင်းချုပ် ပြပွဲဌာနစိတ် ဖုန်း- ၂၁၄၃၄၄- ၄၉၊ လိုင်းခွဲ ၃၀၅ သို့ အကြောင်းကြား စာရင်းပေးသွင်း နိုင်ပါကြောင်း အသိပေးဖိတ်ကြားအပ်ပါသည်။

Border Trade Fair-1

About the Author

UMFCCI Administration Team. Please contact the Public Relations Unit at UMFCCI, Tel: 01-2314344 Ext 323.

View all posts by

Leave a Comment

comm comm comm