နီပေါကုန်စည်ပြပွဲ-၂၀၁၈တွင် အသင်းချုပ်နှင့် ညီနောင်အသင်းများ၏ ပြခန်းများ ပြသခြင်းနှင့် နီပေါ-မြန်မာ ပူးပေါင်းဆောင်ရွက်မှုဆိုင်ရာ နားလည်မှုစာချွန်လွှာ ရေးထိုး

Written by  //  December 3, 2018  //  UMFCCI News  //  No comments

၂၀၁၈ခုနစ် နိုဝင်ဘာလ (၂၉)ရက်နေ့တွင် နီပေါနိုင်ငံ၊ ကတ္တမန္ဒူးမြို့တွင် ကျင်းပပြုလုပ်သည့် နီပေါကုန်စည်ပြပွဲ-၂၀၁၈ (Nepal Chamber Expo 2018) သို့ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ နီပေါဖက်ဒရယ်ဒီမိုကရက်တစ်သမ္မတနိုင်ငံ ဝန်ကြီးချုပ်ဟောင်းနှင့် ကွန်မြူနစ် ပါတီဥက္ကဋ္ဌ Mr.Pushpa Kamal Dahal နှင့် နီပေါဖက်ဒရယ် ဒီမိုကရက်တစ်သမ္မတနိုင်ငံ ကုန်သည်ကြီးများ အသင်း ဥက္ကဋ္ဌ မစ္စတာ ရာဂျက်ကာရီ ရှရက်စ်သာတို့တက်ရောက်ဖွင့်လှစ်အမှာစကားပြောကြားကာ ခင်းကျင်းပြသထားသည့် မြန်မာနိုင်ငံမှ ပြခန်းများနှင့် အခြားနိုင်ငံများမှ ပြခန်းများကို လှည့်လည်ကြည့်ရှု အားပေးခဲ့ကြသည်။

ကုန်သည်စက်မှုအသင်းချုပ်နှင့် ညီနောင်အသင်းများမှ ခင်းကျင်းပြသသည့် ပြခန်းများသို့လည်း လှည့်လည်ကြည့်ရှုခဲ့၍ မြန်မာထုတ်ကုန်များ ၊ Invest Myanmar Summit ကျင်းပနိုင်ရေး နှင့် စပ်လျဉ်း၍ ကုန်သည်စက်မှုအသင်းချုပ် တွဲဖက်အထွေထွေအတွင်းရေးမှူး ဦးမျိုးသန့်မှ ရှင်းလင်းတင်ပြခဲ့သည်။

နီပေါ-မြန်မာ နှစ်နိုင်ငံအကြား စီးပွားရေးအသိုက်အဝန်းမြှင့်တင်နိုင်ရေး၊ စီးပွားရေးပူးပေါင်း ဆောင်ရွက်မှုမြှင့်တင်နိုင်ရေး၊ ကုန်စည်ပြပွဲများအထူးသဖြင့် ကုန်သွယ်မှုနှင့် နည်းပညာဆိုင်ရာ ပြပွဲများ ပူးပေါင်းနိုင်ရေးတို့အတွက် နီပေါဖက်ဒရယ် ဒီမိုကရက်တစ်သမ္မတနိုင်ငံ ကုန်သည်ကြီးများအသင်း ဒုတိယဥက္ကဋ္ဌ Mr.Naresh Shrestha နှင့် ကုန်သည်စက်မှုအသင်းချုပ် တွဲဖက်အထွေထွေအတွင်းရေးမှူး ဦးမျိုးသန့်တို့မှ နားလည်မှုစာချွန်လွှာ ရေးထိုးခဲ့ကြသည်။

ကုန်သည်စက်မှုအသင်းချုပ်

About the Author

UMFCCI Administration Team. Please contact the Public Relations Unit at UMFCCI, Tel: 01-2314344 Ext 323.

View all posts by

Leave a Comment

comm comm comm