“ရန်ကုန် စတော့အိတ်ချိန်းနှင့် အလုပ်အကိုင်အခွင့်အလမ်းများ” ဟောပြောပွဲကျင်းပ

Written by  //  January 10, 2015  //  UMFCCI News  //  No comments

website 1

website 3

ရန်ကုန် ဇန်နဝါရီ ၁၀ – Worldlink Express Shipping (W.E.S Group) ၊ ဂရင်းဂါးဒီးယန်း အာမခံ၊ Young Insurance Group၊ Capital Life Insurance တို့ ပူးပေါင်း စီစဉ်သည့် “ရန်ကုန်စတော့ အိတ်ချိန်းနှင့် အလုပ်အကိုင်အခွင့်အလမ်းများ” ဟောပြောပွဲကို ကုန်သည်စက်မှုအသင်းချုပ်၌ ၂၀၁၄ ခုနှစ် ဇန်နဝါရီလ ၁၀ ရက် နံနက်ပိုင်းတွင် ကျင်းပရာ ကုန်သည်စက်မှုအသင်းချုပ် ဥက္ကဋ္ဌ ဦးဝင်းအောင်၊ ဒုတိယ ဥက္ကဋ္ဌများဖြစ်ကြသည့် ဒေါက်တာမျိုးသက်၊ ဦးမြဟန်၊ တွဲဖက်ထွေထွေအတွင်းရေးမှူး ဦးအေးလွင်၊ ဒေါက်တာသက်သက်ခိုင်၊ ဗဟိုအလုပ်အမှုဆောင်၊ အလုပ်အမှုဆောင်များ၊ စိတ်ပါဝင်စားသူများနှင့် မီဒီယာများ ၆၀၀ နီးပါး တက်ရောက်ခဲ့ပါသည်။
ရှေးဦးစွာ ကုန်သည်စက်မှုအသင်းချုပ် ဥက္ကဋ္ဌ ဦးဝင်းအောင် အဖွင့်အမှာစကားပြောကြားရာတွင် အရင်းအနှီး ဈေးကွက်သည် စီးပွားရေးလုပ်ငန်းများသာမက အများပြည်သူများအတွက်ပါ အရင်းအနှီးများ ဖန်တီးပေးနိုင်သည်ဖြစ်ပြီး နိုင်ငံတော်တိုးတက် ဖွံ့ဖြိုးမှုအတွက် အလွန်အရေးပါရာ ယခုကဲ့သို့ ဟောပြောပွဲကို ကုန်သည်စက်မှုအသင်းချုပ်၌ ကျင်းပခွင့် ရသည့်အတွက် ကျေးဇူးတင်ရှိပါကြောင်း ပြောကြားခဲ့ပါသည်။ ဆက်လက်၍ ဟောပြောပွဲကို စီစဉ်သူ W.E.S Group မှ ဦးဆောင်ညွှန်ကြားရေးမှူး ဒေါ်မြသပြေထွန်းက ကျေးဇူးတင်စကားပြောကြားခဲ့ပါသည်။

website 2

website 4

ဆက်လက်၍ မြန်မာနိုင်ငံ ငွေချေးသက်သေခံလက်မှတ်လုပ်ငန်းကြီးကြပ်ရေး ကော်မရှင် ဥက္ကဋ္ဌဖြစ်သူ ဘဏ္ဍာရေး ဝန်ကြီးဌာန ဒုတိယ ဝန်ကြီး ဒေါက်တာမောင်မောင်သိမ်းက “ရန်ကုန် စတော့အိတ်ချိန်းနှင့် အလုပ်အကိုင် အခွင့် အလမ်းများ” ခေါင်းစဉ်ဖြင့် ဟောပြောရာတွင် အရင်းအနှီးဈေးကွက် (Stock Exchange Market) ၏ အဓိပ္ပါယ်နှင့် အခြင်းအရာများ၊ ရန်ကုန်မြို့တွင် ဖော်ဆောင်မည့် အရင်းအနှီးဈေးကွက်၏ အလားအလာနှင့် စိန်ခေါ်မှုများ၊ ဈေးကွက် ထိန်းကျောင်းမှုနှင့် သက်ဆိုင်သည့် ဥပဒေရေးရာ ကဏ္ဍများ၊ မြန်မာ့ အရင်းအနှီးဈေးကွက်အတွင်း နိုင်ငံခြားကုမ္ပဏီများ ဝင်ရောက်မည့် အလားအလာများနှင့် ရင်းနှီးမြှုပ်နှံမှုဆိုင်ရာ ပညာပေးခြင်း ကဏ္ဍများကို အကျယ်တဝင့် ဆွေးနွေး ဟောပြော ခဲ့ပါသည်။
ထို့နောက် ဟောပြောပွဲတက်ရောက်လာသူများက သိရှိသည်များကို မေးမြန်းရာ ဒေါက်တာမောင်မောင်သိမ်းက ပြန်လည်ပြောကြား ဆွေးနွေးခဲ့ပါသည်။ ကုန်သည်စက်မှုအသင်းချုပ် ဥက္ကဋ္ဌ ဦးဝင်းအောင်က ဒေါက်တာမောင်မောင်သိမ်း အား အမှတ်တရလက်ဆောင်ပေးအပ်ခဲ့ပါသည်။ ရန်ကုန်စတော့အိတ်ချိန်းကို မြန်မာ့စီးပွားရေးဘဏ်နှင့် ဂျပန်နိုင်ငံ Daiwa Securities Group Inc. တို့ ပူးပေါင်း၍ စီစဉ်ဖော်ဆောင်ခြင်း ဖြစ်ပြီး လာမည့် အောက်တိုဘာလတွင် ဖွင့်လှစ်ရန် မျှော်မှန်းထားကာ အရင်းအနှီးဈေးကွက် အတွက် ဝန်ဆောင်မှုပေးမည့် လုပ်ငန်းများ (Service Provide) များ ယခုလမှ စတင်လျှောက်ထားနိုင်ပြီ ဖြစ်ပါသည်။

ကုန်သည်စက်မှုအသင်းချုပ်

About the Author

UMFCCI Administration Team. Please contact the Public Relations Unit at UMFCCI, Tel: 01-2314344 Ext 323.

View all posts by

Leave a Comment

comm comm comm