အစိုးရနှင့် ပုဂ္ဂလိကကဏ္ဍပူးပေါင်း၍ စီးပွားရေးကဏ္ဍအခက်အခဲများ ဖြေရှင်းနေမှုအား ပြန်လည်သုံးသပ်

Written by  //  June 15, 2017  //  Monthly Vice-Presidential Meetings, UMFCCI News  //  No comments

နိုင်ငံတော် ဒုတိယသမ္မတ ဦးမြင့်ဆွေ ဦးဆောင်သော အစိုးရကဏ္ဍနှင့် ပုဂ္ဂလိကကဏ္ဍတို့ ပူးပေါင်း၍ မြန်မာ့စီးပွားရေးဖွံ့ဖြိုးမှု အခက်အခဲများအား ဖြေရှင်းဆောင်ရွက်ခြင်း အခြေအနေအား ကုန်သည်စက်မှုအသင်းချုပ်၌ ယနေ့ နံနက်ပိုင်းတွင် ပြန်လည်သုံးသပ်ခဲ့သည်။
စီးပွားရေးဖွံ့ဖြိုးတိုးတက်မှု အရှိန်အဟုန်မြှင့်ရန်နှင့် ပုဂ္ဂလိကကဏ္ဍဖွံ့ဖြိုးရန်ရည်ရွယ်ချက်ဖြင့် နိုင်ငံတော် ဒုတိယသမ္မတနှင့် ပုဂ္ဂလိကဏ္ဍတို့ လစဉ်ပုံမှန် နီးနီးကပ်ကပ် တွေ့ဆုံဆွေးနွေးခဲ့ရာ ၂၀၁၆ ခုနှစ် ဒီဇင်ဘာလ မှ စတင်၍ ယခုနှစ် မေလအထိ ခြောက်ကြိမ်တိုင် ရှိပြီဖြစ်ပြီး အစိုးရနှင့်ညှိနှိုင်းဖြေရှင်းရန် ပုဂ္ဂလိကဏ္ဍမှ တင်ပြချက် စုစုပေါင်း ၉၁ ချက် ရှိပြီဖြစ်ပါသည်။

တင်ပြချက်များတွင် အချိန်ယူကာ ဥပဒေပြင်ဆင်ရမည့်အချက်များ၊ မူဝါဒပြင်ဆင်ရန်လိုအပ်သည်များ ပါဝင်သော်လည်း၊ အချိန်တိုအတွင်း ပေါင်းစပ်ညှိုနှိုင်းဖြေရှင်းနိုင်မည်များကို ဦးစားပေး ဖြေရှင်းလျက်ရှိသည့် အခြေအနေများ၊ ဖြေရှင်းမှုတွင် နှောင့်နှေးနေမှုများအား ပြန်လည်သုံးသပ်ကာ အမြန်ဆုံးပြီးစီနိုင်ရေးအတွက် စီမံကိန်းနှင့်ဘဏ္ဍာရေး ပြည်ထောင်စုဝန်ကြီး ဦးကျော်ဝင်းနှင့် ကုန်သည်စက်မှုအသင်းချုပ်တို့ တွေ့ဆုံခဲ့ကြခြင်းဖြစ်ပါသည်။
အစည်းအဝေးတွင် ယခင်တင်ပြထားချက်များအပေါ် ဖြေရှင်းဆောင်ရွက်မှုများ၏ ပြီးစီးမှု၊ ထိရောက်မှုနှင့် ဖြေရှင်းရန်လိုအပ်သည်များ၊ အခက်အခဲများကို စိစစ်သုံးသပ်ခဲ့ကြသည်။

ဖြေရှင်းရန် ကျန်ရှိနေသည်များနှင့် နှောင့်နှေးနေသည့်လုပ်ငန်းများကို အစိုးရဌာနများအကြား ညှိုနှိုင်းပေါင်းစပ်ပြီး ဖြေရှင်းမည်ဖြစ်ကြောင်း၊ ထို့အပြင် ဝန်ကြီးများအစည်းအဝေးတွင်လည်း တင်ပြညှိုနှိုင်းမည်ဖြစ်ကြောင်း ပြည်ထောင်စုဝန်ကြီးက ပြောပါသည်။
ကုန်သည်စက်မှုအသင်းချုပ်အနေဖြင့် သက်ဆိုင်ရာ လုပ်ငန်းကဏ္ဍ ညီနောင်အသင်းများနှင့် ကိုယ်စားလှယ်များနှင့် တွေ့ဆုံကာ လုပ်ငန်းပြီးမြောက်မှု လိုအပ်ချက်များအား အစိုးရထံသို့ စုစည်းတင်ပြမည်ဖြစ်ပါသည်။

ယနေ့အစည်းအဝေးတွင် ယခင်တင်ပြထားချက်များအပေါ် သုံးသပ်ဆွေးနွေးခြင်းများအပြင် ကုန်သည်စက်မှုအသင်းချုပ်အနေဖြင့်
– ကုန်သည်စက်မှုအသင်းချုပ် တက္ကသိုလ်တည်ထောင်ရေး
– CMP ကဏ္ဍအား FOB အဆင့်သို့ မြှင့်တင်နိုင်ရေး
– ကုန်ပစ္စည်းများတွင် ပစ္စည်းအမှတ်တံဆိပ်များ ဖော်ပြတပ်ဆင်ရေး
– ကုန်စည်စီးဆင်းမှု လျှင်မြန်ချောမွေ့စေရေး
– ခရီးသွားလုပ်ငန်းကဏ္ဍမြှင့်တင်ရန် ခရီးစဉ်သစ်များအား တိုးချဲ့ဖော်ဆောင်ရေး
– တရားမဝင်ကုန်သွယ်မှုနှင့်ပတ်သက်သော အသိပညာပေးလုပ်ငန်းများ ဆောင်ရွက်ရေးနှင့် အချိန်ကာလတစ်ခုအကြာတွင် ဥပဒေအရ အရေးယူမှုလုပ်ငန်းများ ဆောင်ရွက်ရေး
စသည်များတွင် ပူးပေါင်းလုပ်ဆောင်နိုင်မည်များကို ညှိုနှိုင်းခဲ့ကြပါသည်။

နိုင်ငံတော်အစိုးရက ရန်ကုန်မြစ်တစ်ဖက်ကမ်းနှင့် ဆိပ်ကမ်းများ၊ ကုန်စည်စီးဆင်းမှုလမ်းကြောင်းများတွင် Bonded Warehouse များ၊ Dry Port များအား တည်ဆောက်သွားရန်ရှိကြောင်း ပြည်ထောင်စုဝန်ကြီးက ပြောပြီး တည်ဆောက်လိုသည့် ကုမ္ပဏီများအနေဖြင့် ရင်းနှီးမြှုပ်နှံမှုကော်မရှင်သို့ Proposal များ တင်ပြရန် တိုက်တွန်းခဲ့ပါသည်။

ကုန်သည်စက်မှုအသင်းချုပ်

About the Author

View all posts by

Leave a Comment

comm comm comm