အသိဥာဏ် ပစ္စည်းဆိုင်ရာ လုပ်ငန်းရှင်များအသင်း ဖွဲ့စည်းတည်ထောင်ခြင်း မိတ်ဆက်အခမ်းအနားနှင့် အသိဥာဏ်ပစ္စည်း မူပိုင်ခွင့်ဆိုင်ရာ ဦးဆောင်ဆွေးနွေးပွဲ ကျင်းပ

Written by  //  January 18, 2015  //  UMFCCI News  //  No comments

ရန်ကုန် ဇန်နဝါရီ ၁၈ – အသိဥာဏ်ပစ္စည်းဆိုင်ရာ လုပ်ငန်းရှင်များအသင်း ဖွဲ့စည်းတည်ထောင်ခြင်း မိတ်ဆက်အခမ်းအနားနှင့် အသိဥာဏ် ပစ္စည်း မူပိုင်ခွင့်ဆိုင်ရာ ဦးဆောင်ဆွေးနွေးပွဲကို ၂၀၁၅ ခုနှစ် ဇန်နဝါရီလ ၁၈ ရက်နေ့ နံနက် ၉ နာရီတွင် ကုန်သည်စက်မှုအသင်းချုပ် မင်္ဂလာခန်းမ၌ ကျင်းပခဲ့ပါသည်။

1

2

3

4

အခမ်းအနားသို့ သိပ္ပံနှင့် နည်းပညာဝန်ကြီးဌာန ဝန်ကြီး ဒေါက်တာကိုကိုဦး၊ ကုန်သည်စက်မှုအသင်းချုပ် ဥက္ကဋ္ဌ ဦးဝင်းအောင်၊ အသိဥာဏ်ပစ္စည်းဆိုင်ရာ လုပ်ငန်းရှင်များအသင်းချုပ် ဥက္ကဋ္ဌ ဒေါက်တာ စိန်ဝင်း၊ ကုန်သည်စက်မှု အသင်းချုပ် ဗဟိုအလုပ်အမှုဆောင်၊ အလုပ်အမှုဆောင်များ၊ ဌာနဆိုင်ရာမှ တာဝန်ရှိသူများ၊ နိုင်ငံတကာအဖွဲ့အစည်းများမှ ကိုယ်စားလှယ်များ၊ ဥပဒေပညာရှင်များ၊ ကဏ္ဍပေါင်းစုံမှ အသိပညာ၊ အတက်ပညာရှင်များ၊ စီးပွားရေးလုပ်ငန်းရှင်များနှင့် မီဒီယာများ စုံလင်စွာ တက်ရောက်ခဲ့ကြပါသည်။

အခမ်းအနား၌ သိပ္ပံနှင့် နည်းပညာဝန်ကြီးဌာန ဝန်ကြီးဒေါက်တာ ကိုကိုဦး၊ ကုန်သည်စက်မှုအသင်းချုပ် ဥက္ကဋ္ဌ ဦးဝင်းအောင်နှင့် အသိဥာဏ်ပစ္စည်းဆိုင်ရာ လုပ်ငန်းရှင်များအသင်း ဥက္ကဋ္ဌ ဒေါက်တာ စိန်ဝင်းတို့က နှုတ်ခွန်းဆက် အမှာ စကားပြောကြားပေးခဲ့ပြီး International Trademark Association၊ Asian Patent Attorneys Association၊ Asian Intellectual Property Association မှ ကိုယ်စားလှယ်များကလည်း အဖွင့်အမှာစကား ပြောကြား ခဲ့ပါသည်။ အဖွင့်အမှာစကား ပြောကြားပြီးနောက် အသိဥာဏ်ပစ္စည်းဆိုင်ရာ လုပ်ငန်းရှင်များအသင်း ဖြစ်မြောက်ရေး အတွက် ရန်ပုံငွေ လှူဒါန်းပေးခဲ့သော Gold Sponsor, Platinum Sponsor များနှင့် စီးပွားရေးလုပ်ငန်းရှင်များအား ဂုဏ်ပြုလက်မှတ်များ ချီးမြှင့်ပေးခဲ့ပါသည်။ ထို့နောက် စုပေါင်းမှတ်တမ်းတင် ဓာတ်ပုံ ရိုက်ကူးခဲ့ကြပြီး မွန်းလွဲ ၁၁း၀၀ နာရီတွင် ကုန်သည်စက်မှုအသင်းချုပ် တတိယထပ် အစည်းအဝေးခန်းမ၌ အသင်းဖွဲ့စည်းတည်ထောင်ခြင်းနှင့် ပက်သက်၍ သတင်းစာ ရှင်းလင်းပွဲ တစ်ရပ်ကို ဆက်လက်ကျင်းပခဲ့ပါသည်။ အဆိုပါ သတင်းစာရှင်းလင်းပွဲ၌ ကုန်သည်စက်မှုအသင်းချုပ် တွဲဖက်အထွေထွေအတွင်းရေးမှူး ဦးအေးလွင်၊ အသိဥာဏ် ပစ္စည်းဆိုင်ရာ လုပ်ငန်းရှင်များအသင်း အတွင်းရေးမှူး ဥပဒေပညာရှင် ဦးသိန်းအောင်၊ ဒေါက်တာ သာထွန်းဦး၊ ဦးကျော်သူနှင့် ဒေါ်ဆွေဇင်ထိုက်တို့က မီဒီယာများ သိရှိလိုသည်များကို ပြန်လည်ဖြေကြားပေးခဲ့ပါသည်။

ဆက်လက်၍ ကုန်ပစ္စည်းအမှတ်တံဆိပ် မှတ်ပုံတင်ရေးဆိုင်ရာ အခြေအနေများ၊ အလားအလာနှင့် စိန်ခေါ်မှုများ ဆိုင်ရာ Penal Discussion ကို ကျင်းပရာ စိန်နှင့်မြ ကုမ္ပဏီဥက္ကဋ္ဌ ဒေါက်တာမင်းထက်၊ ရွှေပြည်နန်း အုပ်စု ဥက္ကဋ္ဌ ဦးကျော်မင်း၊ IBTC Group မှ Corporate legal Manager ဦးစိုးတင့်သိန်းနှင့် သိပ္ပံနှင့် နည်းပညာ ဝန်ကြီးဌာန ဒုညွှန်မှူး ဒေါက်တာ စိမ့်သန္တာထွန်းတို့ ပါဝင်ဆွေးနွေးခဲ့ကြပါသည်။ ဒုတိယ Panel Discussion တွင် စာပေဂီတနှင့် အနုပညာ အရပ်ရပ်မူပိုင်ခွင့်ဆိုင်ရာ အကြောင်းအရာများ ဆွေးနွေးခဲ့ရာ တေးရေးဆရာမြင့်မိုးအောင်၊ IT ပညာရှင် ဦးရဲမြတ်သူ၊ ACE Top Law Firm မှ ဥပဒေအကြံပေး ပညာရှင် ဦးအောင်စိုးဦး၊ ရန်ကုန်တက္ကသိုလ် ဥပဒေဌာန ပါမောက္ခ ဌာနမှူး ဒေါက်တာ ခင်မာရီနှင့် သိပ္ပံနှင့် နည်းပညာဝန်ကြီးဌာန ဒုညွှန်မှူး ဒေါက်တာ မိုးမိုးသွယ်တို့က လက်ရှိ မြန်မာ့ အနုပညာနယ်ပယ်တွင် မူပိုင်ခွင့် ဥပဒေ စိုးမိုးရေး ကိစ္စရပ်များကို ဆွေးနွေးခဲ့ ကြပါသည်။ဆက်လက်၍ တက်ရောက်လာကြသော ပရိသတ်များထဲမှ သိရှိလိုသည်များကို မေးမြန်းခဲ့ကြပြီး အခမ်းအနားကို ညနေ ၅း၀၀ နာရီတွင် ရုတ်သိမ်းခဲ့ပါသည်။

5

6

နိုင်ငံတော်၏ IP ကဏ္ဍ အလျှင်အမြန်နှင့် ကောင်းမွန်စွာ ဖွံ့ဖြိုးတိုးတက်ရန် ပုဂ္ဂလိက ကဏ္ဍမှ ဖြည့်ဆည်းပေးရေး ရည်ရွယ်ချက်ဖြင့် မြန်မာနိုင်ငံ၏ ပထမဆုံးသော အသိဥာဏ်ပစ္စည်းဆိုင်ရာ အသင်းအဖြစ် အမျိုးသားစီမံကိန်းနှင့် စီးပွားရေး ဖွံ့ဖြိုးတိုးတက်မှုဝန်ကြီးဌာနမှ “အသိဥာဏ်ပစ္စည်းဆိုင်ရာ လုပ်ငန်းရှင်များအသင်း” ဟူသော အမည်ဖြင့် ၂၆.၆၂၀၁၄ တွင် မှတ်ပုံတင်ခွင့်ပြုခဲ့သည်။ အသိဥာဏ် ပစ္စည်းဆိုင်ရာ လုပ်ငန်းရှင်များအသင်း အနေဖြင့် အစိုးရနှင့် ပုဂ္ဂလိက စီးပွားရေးလုပ်ငန်းရှင်များ အကြားတွင် အသိဥာဏ် ပစ္စည်းဆိုင်ရာ ဥပဒေများ၊ ရုံးများ ပေါ်ပေါက်လာရေးတို့ကို အလေးထားလုပ်ဆောင်သွားမည် ဖြစ်ပါသည်။ မြန်မာနိုင်ငံတွင် IP ကဏ္ဍတိုးတက် ပေါ်ပေါက်လာခြင်းဖြင့် အလုပ်အကိုင် အခွင့်အလမ်းများ၊ စီးပွားရေးရင်းနှီး မြှုပ်နှံမှုများ ဖွံ့ဖြိုးတိုးတက်လာမည်ဖြစ်ပြီး မြန်မာနိုင်ငံအနေဖြင့် ကမ္ဘာ့အလယ်တွင် မူပိုင်ခွင့်ကို လေးစားသည့် နိုင်ငံအနေဖြင့် ကမ္ဘာ့အလည်တွင် ရပ်တည်နိုင်မည်ဖြစ်ပါသည်။

ကုန်သည်စက်မှုအသင်းချုပ်

About the Author

UMFCCI Administration Team. Please contact the Public Relations Unit at UMFCCI, Tel: 01-2314344 Ext 323.

View all posts by

Leave a Comment

comm comm comm