အမေရိကန်အစိုးရနှင့် ကုန်သည်စက်မှုအသင်းချုပ် ပူးပေါင်းဆောင်ရွက်မှု စာချွန်လွှာရေးထိုး

Written by  //  November 17, 2016  //  UMFCCI News  //  No comments

မြန်မာ့သမိုင်းတွင် ပထမဦးဆုံးအကြိမ်အဖြစ် အမေရိကန်အစိုးရ ဝန်ကြီးဌာနနှင့် မြန်မာ့ပုဂ္ဂလိကကဏ္ဍတို့အကြား ပူးပေါင်းဆောင်ရွက်ရေး သဘောတူညီမှု စာချွန်လွှာကို နိုဝင်ဘာလ ၁၇ ရက်နေ့ ရန်ကုန်မြို့ Chatrium Hotel တွင် ရေးထိုးခဲ့ကြပါသည်။

အမေရိကန် ကူးသန်းရောင်းဝယ်ရေးဝန်ကြီးဌာန – နိုင်ငံတကာ ကုန်သွယ်ရေး ဦးစီးဌာန နှင့် မြန်မာ့ပုဂ္ဂလိကကဏ္ဍ ကိုယ်စားပြု ကုန်သည်စက်မှုအသင်းချုပ်တို့အကြား ရေးထိုးခဲ့သည့် အဆိုပါ ပူးပေါင်းဆောင်ရွက်ရေး သဘောတူညီမှု စာချွန်လွှာ (Statement of Intent) အရ မြန်မာ့စီးပွားရေးကဏ္ဍဖွံ့ဖြိုးတိုးတက်ရန် ရည်ရွယ်၍ အောက်ပါ ပူးပေါင်းဆောင်ရွက်မှုများကို အဓိကထား လက်တွဲလုပ်ဆောင်သွားရန် သဘောတူညီခဲ့ကြသည်။

– မြန်မာ့ စီးပွားရေးအခွင့်အလမ်းများအား အမေရိကန်လုပ်ငန်းများ သိရှိကာ စီးပွားရေးပူးပေါင်းလုပ်ဆောင်နိုင်ရန်အတွက် နှစ်ဖက်လုပ်ငန်းရှင်များ တွေ့ဆုံဆွေးနွေးပွဲများ၊ ဟောပြောပွဲများ၊ စီးပွားရေးခရီးစဉ်များ၊ အွန်လိုင်းတွေ့ဆုံပွဲများ ပူးပေါင်းစီစဉ် ကျင်းပရန်
– အမေရိကန် ကူးသန်းရောင်းဝယ်ရေးဝန်ကြီးဌာန၏ ကုန်သွယ်ရေးခရီးစဉ်များတွင် မြန်မာနိုင်ငံသို့ ပါဝင်လာရောက်ရန်
– အမေရိကန်ကုမ္ပဏီများနှင့် မြန်မာ့လုပ်ငန်းများအား တွေ့ဆုံ ချိတ်ဆက်မှုများ စီစဉ်ပြီး မိတ်ဖက်ဆောင်ရွက်နိုင်ရေး ပူးပေါင်းဆောင်ရွက်ရန်
– မြန်မာနိုင်ငံအတွင်းရှိ အမေရိကန်ကုမ္ပဏီများ၊ မြန်မာနိုင်ငံသို့ လာရောက် ရင်းနှီးမြှုပ်နှံ၊ ကုန်သွယ်မည့် အမေရိကန် ကုမ္ပဏီများအား ကူညီထောက်ပံ့မှုများ ပေးအပ်ရန်

စာချွန်လွှာကို ကုန်သည်စက်မှုအသင်းချုပ် ဥက္ကဌ ဦးဇော်မင်းဝင်းနှင့်
အမေရိကန် ကူးသန်းရောင်းဝယ်ရေးဝန်ကြီးဌာန – နိုင်ငံတကာ ကုန်သွယ်ရေး ဦးစီးဌာန မှ Deputy Assistant Secretary for Asia Ms. Diane Farrell တို့က ကိုယ်စားပြု လက်မှတ်ရေးထိုးခဲ့ကြပါသည်။

ရေးထိုးပွဲအခမ်းအနားကို အမေရိကန်-အာဆီယံ စီးပွားရေးကောင်စီ၏ ၅ ကြိမ်မြောက် မြန်မာနိုင်ငံ ခရီးစဉ်အတွင်း Chatrium Hotel တွင် ကျင်းပသည့် US-Myanmar Business Forum နှင့် အတူ ကျင်ပခဲ့ခြင်းဖြစ်ပါသည်။ ဖိုရမ်တွင် ရန်ကုန်တိုင်းဒေသကြီးအစိုးရ စီမံကိန်းနှင့်ဘဏ္ဍာရေးဝန်ကြီး ဦးမြင့်သောင်းနှင့် အမျိုးသားဒီမိုကရေစီအဖွဲ့ချုပ် စီးပွားရေးကော်မတီဝင်များ ပါဝင်ဆွေးနွေးခဲ့ကြသည်။

Fortune Global 500 စာရင်းဝင် ထိပ်တန်းအမေရိကန် ကုမ္ပဏီပေါင်း ၁၈ ခုမှ ကိုယ်စားလှယ်ပေါင်း ၃၀ ကျော်ကလည်း ကုန်သည်စက်မှုအသင်းချုပ် ကိုယ်စားလှယ်များ၊ မြန်မာ့ စီးပွားရေးလုပ်ငန်းရှင်များနှင့်အတူ နိုဝင်ဘာလ ၁၆ ရက်နေ့တွင် ရန်ကုန်မြို့ Sedona Hotel တွင် တွေ့ဆုံညစာစားခဲ့ကြပါသည်။

1

2

3

4

5

6

7

9

10

ကုန်သည်စက်မှုအသင်းချုပ်

About the Author

UMFCCI Administration Team. Please contact the Public Relations Unit at UMFCCI, Tel: 01-2314344 Ext 323.

View all posts by

Leave a Comment

comm comm comm