အမေရိကန်-မြန်မာ နှစ်နိုင်ငံစီးပွားရေးအခွင့်အလမ်းများအတွက် အသင်းချုပ်နှင့် အမေရိကန်လုပ်ငန်းရှင်များတွေ့ဆုံ

Written by  //  December 12, 2018  //  Find Your Business Partners, Seminars, UMFCCI News  //  No comments

အမေရိကန်အခြေစိုက်၊ US-ASEAN Business Council မှ ဦးဆောင်သော အမေရိကန်လုပ်ငန်းရှင်များ အဖွဲ့သည် မြန်မာနိုင်ငံ၏စီးပွားရေးဖွံ့ဖြိုးတိုးတက်မှုအခြေအနေများနှင့် အမေရိကန်-မြန်မာ နှစ်နိုင်ငံအကြား စီးပွားရေးအကျိုးတူပူးပေါင်းဆောင်ရွက်နိုင်မည့် ကိစ္စများ ဆွေးနွေးရန်အတွက် ဒီဇင်ဘာလ ၁၁ ရက်နေ့ ညနေပိုင်းတွင် အသင်းချုပ်တာဝန်ရှိသူများနဲ့ တွေ့ဆုံခဲ့သည်။

ဆွေးနွေးပွဲကို အမေရိကန်နိုင်ငံမှ ကျန်းမာရေးနှင့် ဆေးဝါးလုပ်ငန်း၊ အွန်လိုင်းဈေးကွက် နှင့် E-Commerce လုပ်ငန်း၊ ခရီးသွားလာရေးလုပ်ငန်း၊ ရေနံနှင့်သဘာဝဓာတ်ငွေ့လုပ်ငန်း၊ ဥပဒေအကြံပေးလုပ်ငန်း၊ အချိုရည်လုပ်ငန်း၊ ဘဏ္ဍာရေးဝန်ဆောင်မှုလုပ်ငန်း၊ ကားလုပ်ငန်း စသည့်ကုမ္ပဏီများဖြစ်ကြသော ABBOT, AMAZON, AstraZeneca, Baker McKenzie, BOWER Group ASIA, CHEVRON, COCA-COLA, EXPEDIA, FORD, JHPIEGO, MASTERCARD, VISA တို့မှ လုပ်ငန်းရှင်များ တက်ရောက်ခဲ့ကြသည်။

ဆွေးနွေးပွဲတွင် အသင်းချုပ်ဒုတိယဥက္ကဋ္ဌ ဒေါက်တာမောင်မောင်လေးက အမေရိကန်ကုမ္ပဏီများသည် စီးပွားရေးလုပ်ငန်းဖွဲ့စည်းပုံမှာ ကောင်းမွန်သောစီမံခန့်ခွဲမှု၊ အဆင့်မြင့်သောနည်းပညာများဖြင့် ရှေ့တန်းမှ ဦးဆောင်လျက်ရှိသောကြောင့် မြန်မာနိုင်ငံတွင် ဝင်ရောက်လုပ်ကိုင်မည်ဆိုပါက နှစ်နိုင်ငံအကြား အခွင့်အလမ်းအသစ်များ တိုးပွားလာနိုင်မည်ဖြစ်သဖြင့် မည်သည့်လုပ်ငန်းကဏ္ဍတွင်မဆို ဝင်ရောက် လုပ်ကိုင်ကြရန် ဖိတ်ခေါ်ပါကြောင်း ပြောကြားခဲ့သည်။

ဒုတိယဥက္ကဋ္ဌ ဦးဝေဖြိုးမှ ကျန်းမာရေးကဏ္ဍတွင် အရည်အသွေးပြည့်မီပြီး ကျန်းမာရေးအထူး စောင့်ရှောက်မှုပေးနိုင်သည့် ဝန်ဆောင်မှုလုပ်ငန်းများပေးရန် ဖိတ်ခေါ်ကြောင်း၊ ပညာရေးကဏ္ဍတွင် အမေရိကန်၊ အင်္ဂလန်နှင့် သြစတျေးလျနိုင်ငံများကဲ့သို့သော နိုင်ငံများမှ အဆင့်မြင့်ပညာရေးစနစ်များနှင့် သက်မွေးပညာရေးစနစ်များကိုလည်း အတူတကွ ပူးပေါင်းလုပ်ဆောင်ပေးရန် ကမ်းလှမ်းကြောင်း နှင့် အခြေခံအဆောက်အအုံလုပ်ငန်းများတွင်လည်း လိုအပ်ချက်များစွာရှိနေသဖြင့် လာရောက်လုပ်ကိုင်ရန် မျှော်လင့်ကြောင်းတို့ကို ပြောကြားခဲ့သည်။

မြန်မာစီးပွားရေးလုပ်ငန်းများအနေဖြင့် ဒီဂျစ်တယ်နည်းပညာများကိုအသုံးချ၍ ဖွံ့ဖြိုးတိုးတက် လာစေရန် အတွက် ဆိုင်ဘာလုံခြုံရေးဆိုင်ရာ စည်းမျဉ်းစည်းကမ်းများ၊ မူဝါဒဆိုင်ရာ ကိစ္စရပ်များ၊ ပေါ်လစီများနှင့် ပတ်သက်၍လည်း US-ASEAN Business Council မှ Senior Vice President and Regional Managing Director ဖြစ်သူ Ambassador Michael W.Michalak မှ ဦးဆောင်၍ အသင်းချုပ်တာဝန်ရှိသူများနှင့် အပြန်အလှန် ဆွေးနွေးခဲ့ကြပါသည်။

ကုန်သည်စက်မှုအသင်းချုပ်

About the Author

UMFCCI Administration Team. Please contact the Public Relations Unit at UMFCCI, Tel: 01-2314344 Ext 323.

View all posts by

Leave a Comment

comm comm comm