အသေးစားနှင့် အလတ်စားစီးပွားရေး လုပ်ငန်းတွေ (SME) ဖွံ့ဖြိုးအောင်မြင်လာဖို့အတွက် ငွေကြေးအရင်းအနှီး ရရှိဖို့ လိုအပ်သလို၊ ရရှိလာတဲ့ အရင်းအနှီးကို စနစ်တကျနဲ့ ထိထိရောက်ရောက် အသုံးချနိုင်ဖို့လည်း အလွန်အရေးကြီးပါတယ်။

Written by  //  February 27, 2018  //  UMFCCI Election  //  No comments

 

ဒါကြောင့်မို့ မြန်မာ့ SME တွေ ကို အားပေးနိုင်ဖို့ရော၊ စီးပွားရေးလုပ်ငန်းတည်ထောင်ချင်သူတွေကိုပါ အားပေးနိုင်ဖို့အတွက် စီးပွားရေး စီမံခန့်ခွဲမှုဆိုင်ရာ ပညာပေး အစီအစဉ်တွေ အရေးတကြီးလိုအပ်တာဖြစ်ပါတယ်။
ပညာပေး အစီအစဉ်တွေကို လက်တွဲဆောင်ရွက်နိုင်ဖို့ ရည်ရွယ်ချက်နဲ့ ကုန်သည်စက်မှုအသင်းချုပ်ရဲ့ ‘အသေးစား၊ အလတ်စားလုပ်ငန်းများဖွံ့ဖြိုးတိုးတက်ရေးနှင့် စက်မှုလက်မှုလုပ်ငန်းများ ဖွံ့ဖြိုးတိုးတက်ရေး လုပ်ငန်းကော်မတီ’ နဲ့ Myanmar Business Executives အဖွဲ့အစည်းတို့ ယမန်နေ့ ညနေပိုင်း အသင်းချုပ်အဆောက်အဦမှာ ညှိနှိုင်းဆွေးနွေးခဲ့ကြပါတယ်။
ဆွေးနွေးရာမှာ SME တွေအတွက် ရည်ရွယ်တဲ့ စီမံခန့်ခွဲမှု နဲ့ ဘဏ္ဍာရေးဆိုင်ရာ သင်တန်းတွေ၊ ဟောပြောပွဲတွေ၊ အလုပ်ရုံဆွေးနွေးပွဲတွေ၊ အသိပညာပေး အစီအစဉ်တွေကို ပူးပေါင်းဆောင်ရွက်ဖို့ ကနဦး သဘောတူညီခဲ့ကြပါတယ်။


နှစ်ဖက်အဖွဲ့အစည်းများအနေနဲ့ ဖော်ပြပါ လုပ်ငန်းအစီအစဉ်တွေကို မဟာဗျူဟာကျတဲ့ ကျေးလက်ဒေသတွေအထိပါ သွားရောက်ဆောင်ရွက်သွားမှာဖြစ်ပြီး၊ SME စီးပွားရေး အကြံပေးလုပ်ငန်းကိုလည်း လုပ်ဆောင်သွားမှာဖြစ်ပါတယ်။
လုပ်ငန်းအစီအစဉ်တွေကို စတင်နိုင်ဖို့အတွက် မကြာမီကာလအတွင်းမှာ နှစ်ဖက်အဖွဲ့အစည်းများဟာ နားလည်မှုစာချွန်လွှာတစ်ရပ်ကို ရေးထိုးကြမှာပါ။
Myanmar Business Executives ဟာ MBA ဘွဲ့ရသူများ စုစည်းထားတဲ့ အဖွဲ့အစည်းဖြစ်ပါတယ်။ အဖွဲ့ဝင်ဦးရေ ၁၂၀ ကျော် ပါဝင်တဲ့ Myanmar Business Executives ဟာ လက်ရှိမှာ စီးပွားရေးဆိုင်ရာ ပညာပေး အစီအစဉ်တွေအပြင်၊ လူမှုဖွံ့ဖြိုးရေးလုပ်ငန်းတွေကိုလည်း ဆောင်ရွက်နေပါတယ်။

 
ကုန်သည်စက်မှုအသင်းချုပ်

About the Author

UMFCCI Administration Team. Please contact the Public Relations Unit at UMFCCI, Tel: 01-2314344 Ext 323.

View all posts by

Leave a Comment

comm comm comm