ပြည်တွင်းကုန်အမှတ်တံဆိပ်များတည်ဆောက်မှု၊ ကွဲပြားခြားနားစွာ ဖန်တီးနိုင်မှုတို့အတွက် အကြံပြုချက်များ

Written by  //  February 7, 2019  //  Monthly Academic Seminars, UMFCCI News  //  No comments

ကုန်သည်စက်မှုအသင်းချုပ်၏ လစဉ်ကျင်းပမြဲဖြစ်သော ဘာသာရပ်ဆိုင်ရာ ပညာရှင်များ ဟောပြောဆွေးနွေးပွဲ ကို ယနေ့နေ့လည်ပိုင်းတွင် ကုန်သည်စက်မှုအသင်းချုပ်၌ ကျင်းပခဲ့ပါတယ်။

ယခုတစ်ကြိမ်တွင် အသင်းချုပ်၌ ပြည်တွင်းကုန်အမှတ်တံဆိပ်များ ဈေးကွက် ဦးဆောင်မှုကို တည်ဆောက်ခြင်း တွင် ကြော်ငြာမီဒီယာစီးပွားရေးကဏ္ဍနှင့် သုတေသနကဏ္ဍများတွင် ဦးစီးဆောင်ရွက်လျက်ရှိသော ပညာရှင်များမှ ဟောပြော ဆွေးနွေးခဲ့ပါတယ်။ 

 ဦးအောင်ကျော်ဦး (Coca Media)

Brand Building ကို တောက်လျှောက် တစ်လျှောက်လုံး လုပ်ဆောင်နေရမှာဖြစ်ပါတယ်။ မိမိ Brand ကို သုံးစွဲသည့် Customersများ ကြားထဲမှာ စိတ်ခံစားမှုအကောင်းဖက်သို့်ဦးတည်သည့် ဆက်ဆံရေးတစ်ရပ်ကို မရပ်မနား တည်ဆောက်နေရမှာဖြစ်ပါတယ်။

ဒေါ်ခင်မြတ်ထွေး (TODAY Ogilvy)

မိမိတို့ brand ကို မိမိဦးတည်ထားသည့် customersများရဲ့ လိုအပ်ချက်ကိုနားလည်ပြီး စိတ်ရှည်နိုင်ရပါမယ်။ လမ်းကြောင်းကို နားလည်ဖို့လိုအပ်ပါတယ်။ အသက်အရွယ်မရွေး၊ ကျားမမရွေး၊ လူတန်းစားမရွေး စသည့် မိမိ၏ target customer ရဲ့ လိုအပ်ချက်ကို သိရှိနားလည်ထားရပါမယ်။

 ဦးအောင်သူရ (Ignite Marketing Communication)

မိမိ ကုန်ပစ္စည်း၏ ကုန်အမှတ်တံဆိပ် (Brand Logo) တစ်ခုက ဆွဲဆောင်မှုရှိ၍ Customers များအကြား စွဲမြဲနေရမယ်၊ သင့်လျော်မှုရှိရမယ်။ မိမိ၏ Brand က မတူညီသော အတွေ့အကြုံ၊ မတူညီသော ခံစားမှုမျိုးကို ဖန်တီးပေးနိုင်မှ ကွဲပြားခြားနားမှုတစ်ခုကို တည်ဆောက်ခြင်းဖြစ်ပါတယ်။

ဒေါ်စံပါယ်အောင် (Nielson MMRD)

မိမိBrand နှင့် ပတ်သက်၍ သုတေသနလုပ်ဆောင်သင့်ပါတယ်။ Local Brand နှင့် International Brand ၏ ဈေးကွက်တွင် ကြာရှည်နေရာယူမှုမှာ ကွဲပြားခြားနားမှုများရှိပါတယ်။ ဒါတွေကို သိထားဖို့လိုအပ်ပါတယ်၊ လေ့လာနေဖို့လိုအပ်ပါတယ်။ဒါမှသာ မိမိ Brand ကို အကောင်းဆုံးတည်ဆောက်နိုင်မှာဖြစ်ပါတယ်။

ဦးစွမ်းထက် (MeXtra)

မိမိ၏ ကုန်ပစ္စည်းကို Customers ဆီသို့ ရောက်ဖို့  ကြော်ငာအားကို အသုံးပြုသင့်ပါတယ်။ Digital Platform တစ်ခုဖြစ်သည့် Facebook ကို အသုံးပြုကြော်ငြာမယ်ဆိုရင် Facebook ကို ဘယ်လိုလူမျိုးတွေကသုံးနေလဲ၊ မိမိကုန်ပစ္စည်းက ဘယ်လိုလူမျိုးထံ ထိုးဖောက်ဝင်ရောက်မှာလဲ၊ (အသက် ၃၅ နှစ်အောက်က ဘယ်လောက် ရှိနေလဲ ၊ ကျားဘယ်နှစ်ဦး၊ မ ဘယ်နှစ်ဦး Facebook အသုံးပြုနေလဲ) (အသက် ၃၅နှစ်အထက်က ဘယ် လောက်ရှိနေလဲ)၊ ဘယ်မြို့များတွင် အသုံးများလဲ (ရန်ကုန်၊မန္တလေး အပြင် မြို့ကြီး (၆)မြို့တွင် Facebook အသုံးပြုမှုများ) စသည့် မိမိ၏ ကုန်ပစ္စည်းကြော်ငြာရာမှာ အရေးကြီးသည့် အချက်အလက်များကို Self-Study လုပ်ထားသင့်ပါတယ်။

စသည်ဖြင့် ဒေါ်လင်းလင်းတင်ထွန်း (Mango Advertising) မှ Moderator အဖြစ်ဆောင်ရွက်၍ ပညာရှင်များမှ ကုန်အမှတ်တံဆိပ်များ ဈေးကွက်ဦးဆောင်မှုကို တည်ဆောက်ခြင်းနှင့်စပ်လျဉ်း၍ အကြံပြုချက်များ၊ အတွေ့ အကြုံများကို ဥပမာများဖြင့် မျှဝေခဲ့ကြသည်။

ကုန်သည်စက်မှုအသင်းချုပ် တွဲဖက်အထွေထွေအတွင်းရေးမှူး ဦးကျော်ဒေဝမှလည်း ကြိုဆိုနှုတ်ခွန်းဆက် စကားပြောကြားရာတွင် မိမိတို့တိုင်းပြည်တွင် ဈေးကွက်ဖန်တီးရုံသာမက ပြည်ပသို့ ဈေးကွက်ထိုးဖောက် ပေးနိုင်ပါရန် လုပ်ငန်းရှင်များနှင့် တက်ရောက်လာသူများအား တိုက်တွန်းပြောကြားခဲ့ပါတယ်။

ကုန်သည်စက်မှုအသင်းချုပ်

 

 

About the Author

UMFCCI Administration Team. Please contact the Public Relations Unit at UMFCCI, Tel: 01-2314344 Ext 323.

View all posts by

Leave a Comment

comm comm comm