မြန်မာနိုင်ငံအား ကနေဒါနိုင်ငံ သွင်းကုန်ခွန်ကင်းလွတ်ခွင့်ပေး

Written by  //  April 30, 2015  //  Notifications, UMFCCI News  //  No comments

ကနေဒါနိုင်ငံအစိုးရသည် မြန်မာနိုင်ငံ၏ ပြုပြင်ပြောင်းလဲမှုများကို ထောက်ခံအားပေးသည့်အနေဖြင့် မြန်မာနိုင်ငံမှ ကနေဒါနိုင်ငံသို့တင်ပို့သော ပို့ကုန်အများစုအတွက် အခွန်ကင်းလွတ်ခွင့်ပြုလိုက်သည်။

ကနေဒါအစိုးရအနေဖြင့် နှစ်ဖက်နိုင်ငံကုန်သွယ်မှုနှင့် ရင်းနှီးမြှုပ်နှံမှုများတိုးမြှင့်ကာ ပြောင်းလဲတိုးတက်လာသော မြန်မာနိုင်ငံနှင့် ချစ်ကြည်ရင်းနှီးမှုပိုမိုတည်ဆောက်ရန်ရည်ရွယ်၍ မြန်မာနိုင်ငံအတွက် General Preferential Tariff (GPT) နှင့် Least Developed Country Tariff (LDCT) ကို ၂၀၁၅ ခုနှစ်၊ မေလ ၁၃ ရက်နေ့တွင် ပြန်လည်သက်တမ်းတိုးပေးအပ်ခဲ့သည်။

အဆိုပါ GPT နှင့် LDCT ကို ၁၉၉၇ ခုနှစ်တွင် ကနေဒါအစိုးရက မြန်မာနိုင်ငံအပေါ် ရုတ်သိမ်းခဲ့သည်။ ၂၀၁၀ ရွေးကောက်ပွဲလွန် ပြုပြင်ပြောင်းလဲမှုများကြောင့် ၂၀၁၂ ခုနှစ်၊ ဧပြီလ၊ ၂၄ ရက်နေ့တွင် စီးပွားရေးဆိုင်ရာ ပိတ်ပင်တားဆီးမှုများကို ဖယ်ရှားပေးခဲ့ပြီး အမြဲတမ်းသံအမတ်ကြီးအား ခန့်အပ်စေလွှတ်ခဲ့ခြင်းဖြင့် နှစ်ဖက်နိုင်ငံ ပူးပေါင်းဆောင်ရွက်မှုများကို စတင်ခဲ့ကာ ယခုနှစ် မေလ ၁၃ ရက်နေ့တွင် GPT နှင့် LDCT ကို ပြန်လည်ပေးအပ်ခဲ့ခြင်းဖြစ်ပါသည်။

၎င်းထုတ်ပြန်ချက်ကို ကနေဒါအစိုးရသတင်းစာ Canada Gazette ၏ Website (Link – http://www.gazette.gc.ca/rp-pr/p2/2015/2015-03-25/html/sor-dors62-eng.php) တွင် ဖတ်ရှုလေ့လာနိုင်ပါသည်။ အသေးစိတ်သိရှိလိုပါက ကနေဒါသံရုံး Senior Trade Commissioner Ms. Mia Yen ၏ Email – mia.yen@international.gc.ca (သို့) ဖုန်း- ၀၁-၃၈၄ ၈၀၅, လိုင်းခွဲ- ၃၄၉-၃၄၅၀ သို့ ဆက်သွယ်စုံစမ်းမေးမြန်းနိုင်ပါသည်။

ကုန်သည်စက်မှုအသင်းချုပ်

About the Author

UMFCCI Administration Team. Please contact the Public Relations Unit at UMFCCI, Tel: 01-2314344 Ext 323.

View all posts by

Leave a Comment

comm comm comm