မြန်မာနိုင်ငံ၏ ပထမဆုံးသော Invest Myanmar Summit 2019 ပထမနေ့ကို အောင်မြင်စွာကျင်းပပြီးစီး

Written by  //  February 7, 2019  //  UMFCCI News  //  No comments

မြန်မာနိုင်ငံ၏ ပထမဆုံး Invest Myanmar Summit 2019 ပထမနေ့ကို ဇန်ဝါရီလ ၂၈ ရက်နေ့တွင် နေပြည်တော်ရှိ MICC-2 ၌ ကျင်းပခဲ့သည်။

အဆိုပါ Summit သို့ နိုင်ငံတော်၏အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်က တက်ရောက် မိန့်ခွန်းပြောကြားခဲ့ပြီး Summit ၌ ပြသထားသည့် လုပ်ငန်းစီမံကိန်း project များကို လှည့်လည်ကြည့် ရှု့ခဲ့သည်။

ထို့နောက် ကုန်သည်စက်မှုအသင်းချုပ်ဥက္ကဋ္ဌဦးဇော်မင်းဝင်းက ကြိုဆိုနှုတ်ခွန်းဆက်စကား ပြောကြားရာတွင် ယနေ့ပြုလုပ်သည့် Summit သည် တိုင်းဒေသကြီးနှင့်ပြည်နယ်အစိုးရများက ၄င်းတို့၏ ဒေသများတွင် ရှိသော စီးပွားရေးအခွင့်အလမ်းများကို ထုတ်ဖော်ပြသခြင်းဖြစ်သလို အစိုးရနှင့်ပုဂ္ဂလိက ပူးပေါင်းဆောင်ရွက်နေသည့်ဖြစ်ပေါ်တိုးတက်မှုများကို နိုင်ငံတကာအသိုင်းအဝန်းသို့ အသိပေးတင်ပြခြင်း ဖြစ်ကြောင်း ပြောကြားခဲ့သည်။

 

Invest Myanmar Summit 2019 ပထမနေ့တွင် မန္တလေးတိုင်းဒေသကြီး အစိုးရအဖွဲ့၊ ရန်ကုန်တိုင်းဒေသကြီးအစိုးရအဖွဲ့၊ မွန်ပြည်နယ်အစိုးရအဖွဲ့၊ ကရင်ပြည်နယ်အစိုးရအဖွဲ့၊ စစ်ကိုင်းတိုင်းဒေသကြီးအစိုးရအဖွဲ့၊ တနင်္သာရီတိုင်းဒေသကြီးအစိုးရအဖွဲ့၊ ရခိုင်ပြည်နယ်အစိုးရအဖွဲ့၊ ချင်းပြည်နယ်အစိုးရအဖွဲ့၊ ဧရာဝတီတိုင်းဒေသကြီးအစိုးရအဖွဲ့များမှ သက်ဆိုင်ရာဝန်ကြီးချုပ်များကလည်း ၄င်းတို့၏ ဒေသများ တွင် ရင်းနှီးမြှုပ်နှံမှုပြုလုပ်နိုင်မည့်အခြေအနေများနှင့်ပတ်သက်၍ Summit သို့ တက်ရောက်သူများ အား ရှင်းလင်းပြောကြားကာ လာရောက်ရင်းနှီးမြှုပ်နှံရန် ဖိတ်ခေါ်ခဲ့ကြသည်။

 

ထို့အတူ စက်မှုဝန်ကြီးဌာနနှင့် ရှမ်းပြည်နယ်အစိုးရအဖွဲ့တို့ကလည်း သက်ဆိုင်ရာကဏ္ဍများတွင် ရင်းနှီးမြှုပ်နှံမှုများပြုလုပ်နိုင်မည့်အခြေအနေများကို ရှင်းလင်းပြောကြားခဲ့ကြသည်။

 

Summit တွင် စစ်ကိုင်းဒေသကြီး၊ ကသာခရိုင်တွင်တည်ဆောက် မည့် စုစုပေါင်း ရင်းနှီးမြှုပ်နှံမှု ဒေါ်လာသန်း ၃၅၀ တန်ဖိုးရှိသော သကြားစက်ရုံနှင့် ၆၀ မဂ္ဂါဝပ်လျှပ်စစ် ဓာတ်အားစက်ရုံပရောဂျက်အတွက် Grate Wall Food Stuff ကုမ္ပဏီနှင့် Hongkong International Sugar Engineering ကုမ္ပဏီတို့အကြား နားလည်မှုစာချွှန်လွှာ (MoU) ရေးထိုးခဲ့ကြသည်။

About the Author

UMFCCI Administration Team. Please contact the Public Relations Unit at UMFCCI, Tel: 01-2314344 Ext 323.

View all posts by

Leave a Comment

comm comm comm