(၁၁) ကြိမ်မြောက် အာဆီယံခေါင်းဆောင်များဖိုရမ်၏ အကြိုဂုဏ်ပြု ညစာစားပွဲကျင်းပ

Written by  //  June 25, 2014  //  UMFCCI News  //  No comments

UMFCCI ASLI Dinner IMG_7877

Asian Strategy & Leadership Institute (ASLI) နှင့် ပြည်ထောင်စုသမ္မတ မြန်မာနိုင်ငံတော် ကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ် (UMFCCI ) တို့မှ ကြီးမှူးကျင်းပသော (၁၁)ကြိမ် မြောက် အာဆီယံခေါင်းဆောင်များ ဖိုရမ်၏ အကြိုဂုဏ်ပြုညစာစားပွဲကို ၂၀၁၄ ခုနှစ် မေလ ၁၁ရက် (စနေနေ့) ညနေ ၆း၃၀ နာရီတွင် နေပြည်တော်ရှိ အပြည်ပြည်ဆိုင်ရာ ကွန်ဗင်းရှင်းဗဟိုဌာန (၂)တွင် ကျင်းပရာ ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတဦးသိန်းစိန် တက်ရောက် အဖွင့်အမှာစကား ပြောကြားသည်။

ရှေးဦးစွာ ပြည်ထောင်စုသမ္မတမြန်မာနိုင်ငံ ကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ် (UMFCCI) ဥက္ကဋ္ဌ နှင့် အာဆီယံစီးပွားရေးအကြံပေး ကောင်စီဥက္ကဋ္ဌ ဦးဝင်းအောင်နှင့် Asian Strategy & Leadership Institute (ASLI) မှ အမှုဆောင်အရာရှိချုပ် Tan Sri Micheal Yeoh တို့က နှုတ်ခွန်းဆက် စကားပြောကြားခဲ့ကြသည်။

ထို့နောက် နိုင်ငံတော်သမ္မတဦးသိန်းစိန်က အဖွင့်အမှာစကား ပြောကြားရာတွင် ယနေ့ဖိုရမ်သည် ၂၀၁၄ ခုနှစ် ဖိုရမ်စတင်ကျင်းပခဲ့သော အချိန်မှစပြီး အာဆီယံ၏ မူဝါဒရေးရာများဖော်ဆောင်ရာတွင် များစွာ အထောက်အကူပြုနေပါကြောင်း၊ ထိုဖိုရမ်ဖြစ်မြောက်ရေး ကမကထပြုကြသော မြန်မာနိုင်ငံမှ ကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ်နှင့် မလေးရှားနိုင်ငံမှ Asian Strategy and Leadership Institute တို့ကို ဂုဏ်ပြုပါကြောင်း၊ အာဆီယံဒေသတွင် ကြုံတွေ့ရသည့် စိန်ခေါ်မှုများနှင့် အခွင့်အလမ်းများကို နိုင်ငံ့ ခေါင်းဆောင်များ၊ လုပ်ငန်းရှင်များ၊ ပညာရှင်များနှင့်အတူ ဆွေးနွေးခွင့် ရမည်ဖြစ်၍ ၀မ်းမြောက်မိပါကြောင်း၊ ဆွေးနွေးမှုများမှ တစ်ဆင့် အတွေးအမြင်သစ်များ ပေါ်ထွန်းလာပြီး အာဆီယံ၏ အနာဂတ်တွင် အထောက်အကူ ဖြစ်မည်ဟု ယုံကြည်ပါကြောင်း ထည့်သွင်းပြောကြားခဲ့ပါသည်။

ယင်းနောက် Asian Strategy & Leadership Institute (ASLI) နှင့် ပြည်ထောင်စုသမ္မတမြန်မာ နိုင်ငံတော် ကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ် (UMFCCI) တို့ ပူးပေါင်း၍ (၁၁)ကြိမ် မြောက်အာဆီယံခေါင်းဆောင်များ ဖိုရမ်ကျင်းပနိုင်ရေး စီစဉ်ဆောင်ရွက်ပေးကြသည့် Sponsor များအား အမှတ်တရ လက်ဆောင်ပစ္စည်းများ ပေးအပ်ကြသည်။

ထို့နောက်အင်ဒိုနီးရှားသမ္မနိုင်ငံ သမ္မတအား Asian Strategy & Leadership Institute (ASLI) မှ အမှုဆောင်အရာရှိချုပ်ကလည်းကောင်း၊ ပြည်ထောင်စုသမ္မတမြန်မာနိုင်ငံ နိုင်ငံတော်သမ္မတအား ကုန်သည် စက်မှုအသင်းချုပ် (UMFCCI) ဥက္ကဋ္ဌ နှင့် အာဆီယံစီးပွားရေးအကြံပေးကောင်စီ ဥက္ကဋ္ဌကလည်းကောင်း အမှတ်တရလက်ဆောင်များ ပေးအပ်ကြသည်။

အခမ်းအနားသို့ နိုင်ငံတော်သမ္မတ၊ အင်ဒိုနီးရှားသမ္မတို့နှင့်အတူ ဝန်ကြီးများ၊ ဒုတိယဝန်ကြီးများနှင့် အာဆီယံအဖွဲ့ဝင် နိုင်ငံများမှ ကိုယ်စားလှယ်များ၊ တရုတ်၊ ဂျပန်၊ ကိုရီးယား၊ EU၊ ကနေဒါ၊ သြစတြေးလျနှင့် အရှေ့အလယ်ပိုင်းနိုင်ငံများမှ ကိုယ်စားလှယ်များနှင့် ဖိတ်ကြားထားသူများ တက်ရောက်ကြသည်။ ယခုဖိုရမ်ကို အာဆီယံဒေသတွင်း အပြန်အလှန် ရင်းနှီးကျွမ်းဝင်မှုကို ပိုမိုအားကောင်းစေရန် ရည်ရွယ်၍ ကျင်းပခြင်းဖြစ်ကြောင်း သိရသည်။

About the Author

UMFCCI Administration Team. Please contact the Public Relations Unit at UMFCCI, Tel: 01-2314344 Ext 323.

View all posts by

Leave a Comment

comm comm comm