နိုင်ငံဖွံ့ဖြိုးတိုးတက်မှုကို တုံ့ဆိုင်းသွားစေနိုင်သည့်အတွက် GSP ပြန်လည်မရုပ်သိမ်းရေး ဝိုင်းဝန်းဆွေးနွေး

Written by  //  December 19, 2018  //  UMFCCI News  //  No comments

နိုင်ငံဖွံ့ဖြိုးတိုးတက်မှုကိုပါ တုံ့ဆိုင်းသွားစေနိုင်သည့်အတွက် ဥရောပသမဂ္ဂက ပေးအပ်ထား သည့် Generalized System of Preferences (GSP) ကို ပြန်လည်မရုပ်သိမ်းရေးအတွက် မြန်မာနိုင်ငံ ကုန်သည်များနှင့်စက်မှုလက်မှုလုပ်ငန်းရှင်များအသင်းချုပ်(UMFCCI)နှင့် မြန်မာနိုင်ငံလုံးဆိုင်ရာအလုပ်သမား သမဂ္ဂများ အဖွဲ့ချုပ်(CTUM)၊ မြန်မာနိုင်ငံစက်မှုလက်မှုနှင့် ဝန်ဆောင်မှုလုပ်ငန်းပေါင်းစုံ အလုပ်သမားသမဂ္ဂများ အဖွဲ့ချုပ် (MICS-TUsF) တို့ ပူးပေါင်းကာ “Together We succeed , Why GSP is Essential for Decent Work and Industrial Peace” ဆွေးနွေးပွဲကို ကျင်းပခြင်းဖြစ်သည်။

အဆိုပါဆွေးနွေးပွဲကို ဒီဇင်ဘာ ၁၇ ရက်တွင် ရန်ကုန်မြို့ရှိ ကုန်သည်စက်မှုအသင်းချုပ်၌ ဆွေးနွေးခဲ့ခြင်းဖြစ်ပြီး ဆွေးနွေးပွဲ ကုန်သည်စက်မှုအသင်းချုပ်ဥက္ကဋ္ဌ ဦးဇော်မင်းဝင်းနှင့်တာဝန်ရှိများ၊ မြန်မာနိုင်ငံလုံးဆိုင်ရာ အလုပ်သမားသမဂ္ဂများအဖွဲ့ချုပ်ဥက္ကဋ္ဌဦးမောင်မောင်နှင့်တာဝန်ရှိသူများ၊ နိုင်ငံတကာ သံတမန်များ၊ အန်ဂျီအိုအဖွဲ့အစည်းများ တက်ရောက်ခဲ့သည်။

ကုန်သည်စက်မှုအသင်းချုပ်ဥက္ကဋ္ဌဦးဇော်မင်းဝင်းက “ဒီနေ့ကျင်းပရတဲ့အခမ်းအနား ရည်ရွယ်ချက် ကတော့ ဆွေးနွေးပွဲကို တက်ရောက်ပါဝင်သူတွေက GSP ပြန်လည် မရုပ်သိမ်းရေးကို ဝိုင်းဝန်ပြီး ထောက်ခံ သွားဖို့ပါ။ နောက်တစ်ချက်ကတော့ ဆွေးနွေးပြီးတဲ့နောက်မှာ ကျွန်တော်တို့ အသင်းချုပ် UMFCCI နဲ့ CTUM တို့ရဲ့ ပူးတွဲဆုံးဖြတ်ချက်တစ်ခုပေါ်ထွက်လာရန်အတွက် နောက်ဆက်တွဲလုပ်ငန်းစဉ်အဖြစ် သက်ဆိုင်ရာ အဖွဲ့အစည်းများ၊ အလုပ်သမားအဖွဲ့အစည်းများမှ GSP ပြန်လည်မရုပ်သိမ်းနိုင်ရေးအတွက် လက်မှတ်ရေးထိုး တောင်းဆိုခြင်းများ ပြုလုပ်သွားရန် ရည်ရွယ်ချက်တွေနဲ့ ကျင်းပရခြင်းဖြစ်ပါတယ်” ဟု ပြောကြားသည်။

ထို့နောက် မြန်မာနိုင်ငံလုံးဆိုင်ရာအလုပ်သမားသမဂ္ဂများအဖွဲ့ချုပ် ဥက္ကဋ္ဌ ဦးမောင်မောင်က GSP ပြန် လည် ရုပ်သိမ်းပါက ဖြစ်ပေါ်လာနိုင်သည့်အခြေအနေများကို ထည့်သွင်းရှင်းလင်းဆွေးနွေးခဲ့ပြီးနောက် မြန်မာ နိုင်ငံအထည်ချုပ်လုပ်ငန်းရှင်များအသင်း(MGMA)၊ မြန်မာနိုင်ငံစက်မှုကုန်ထုတ်လုပ်သူများအသင်း(MIA)၊ မြန်မာနိုင်ငံခရီးသွားလုပ်ငန်းအဖွဲ့ချုပ်(MTF)၊ မြန်မာနိုင်ငံငါးလုပ်ငန်းအဖွဲ့ချုပ်(MFF)တို့မှ တာဝန်ရှိသူများ ကလည်း “GSP ဘာကြောင့်မရှိမဖြစ်လိုအပ်သနည်း” ခေါင်းစဉ်ဖြင့် အသီးသီးဆွေးနွေးခဲ့ကြသည်။

ဥရောပသမဂ္ဂသည် ၂၀၁၃ ခုနှစ်တွင် မြန်မာနိုင်ငံကို GSP အခွင့်အရေးပြန်လည်ပေးအပ်ခဲ့ပြီး ဥရောပသမဂ္ဂ၏ဈေးကွက်အတွင်းသို့ တင်ပို့လာသည့် မြန်မာထုတ်ကုန်များ၊ အထူးသဖြင့် အထည်ချုပ်နှင့် စားသုံးကုန်များကို ကုန်သွယ်ခွန်ကင်းလွတ်ခွင့်ပေးအပ်ခဲ့သည်။

သို့ရာတွင် မကြာသေးမီက အီးယူ ကုန်သွယ်မှုအခွင့်အရေး စိစစ်လေ့လာရေးအဖွဲ့သည် မြန်မာနိုင်ငံ၏ လူ့အခွင့်အရေးဆိုင်ရာကိစ္စရပ်များနှင့် စပ်လျဉ်း၍ ပေးအပ်ထားသော GSP ကို ရုပ်သိမ်းရေးအတွက် ပြန်လည်သုံးသပ်နိုင်ရန်လာရောက်ခဲ့ကြသည်။

ကုန်သည်စက်မှုအသင်းချုပ်

About the Author

UMFCCI Administration Team. Please contact the Public Relations Unit at UMFCCI, Tel: 01-2314344 Ext 323.

View all posts by

Leave a Comment

comm comm comm