ကုန်သည်စက်မှုအသင်းချုပ် (၂၆) ကြိမ်မြောက်နှစ်ပတ်လည်အသင်းသား စုံညီအစည်းအဝေးကျင်းပ

Written by  //  December 12, 2017  //  UMFCCI News  //  No comments

ကုန်သည်များနှင့်စက်မှုလက်မှုလုပ်ငန်းရှင်များအသင်းချုပ်၏ (၂၆) ကြိမ်မြောက် နှစ်ပတ်လည်အသင်းသားစုံညီ အစည်းအဝေးကို ၂၀၁၇ ခုနှစ် ဒီဇင်ဘာလ ၁၀ ရက်နေ့တွင် အမျိုးသားဇာတ်ရုံ၌ ကျင်းပပြုလုပ်ခဲ့သည်။

အသင်းချုပ်၏ အလုပ်အမှုဆောင်အဖွဲ့သစ်အနေဖြင့် အသင်းချုပ်၏ တာဝန်များကို ၂၀၁၆ ခုနှစ်၊ နိုဝင်ဘာလ (၁) ရက်နေ့မှစတင်၍ လွှဲပြောင်းတာဝန်ယူလုပ်ဆောင်ခဲ့ကြပြီး တာဝန်ယူခဲ့သည့် (၁) နှစ်တာကာလအတွင်းတွင် နိုင်ငံတော်နှင့် ပုဂ္ဂလိကကဏ္ဍတို့၏ အကျိုးစီးပွားဖွံ့ဖြိုးတိုးတက်ရေးအတွက် အကောင်းဆုံးနှင့် အထိရောက်ဆုံးဖြစ်ရန် အစွမ်းကုန် ကြိုးစားခဲ့ကြသည်။

“နိုင်ငံတော်၏ စီးပွားရေးမူဝါဒ (၁၂) ရပ်ကို အကောင်အထည်ဖော်ဆောင်ရွက်ရာမှာ နိုင်ငံတော်အစိုးရနှင့်အတူ အသင်းချုပ်အနေဖြင့် ပူးပေါင်းဆောင်ရွက်လျက်ရှိပြီး ပုဂ္ဂလိကစီးပွားရေးကဏ္ဍတွင် ရင်ဆိုင်ကြုံတွေ့နေရသော အခက်အခဲများ၊ အတားအဆီးများ၊ စိန်ခေါ်မှုများကိုလည်း အစိုးရနှင့်အတူ ညှိနှိုင်းဖြေရှင်းကာ စီးပွားရေးလုပ်ငန်းများ ဖွံ့ဖြိုးတိုး တက်ဖို့ Private-Public-Patnership လုပ်ငန်းစဉ်ကို အရှိန်အဟုန်ဖြင့်ဆောင်ရွက်လျက်ရှိနေပါတယ်”ဟု အသင်းချုပ် ဥက္ကဋ္ဌ ဦးဇော်မင်းဝင်းက ပြောကြားခဲ့သည်။

စီမံကိန်းနှင့်ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးကျော်ဝင်းမှ နိုင်ငံစီးပွားရေး၏ အဓိက မောင်းနှင်အား ဖြစ်သော အငယ်စား၊ အသေးစားနှင့် အလတ်စားစီးပွားရေးလုပ်ငန်း (MSMEs)များ ဖွံ့ဖြိုးတိုးတက်လာစေရေးအတွက် လိုအပ်သော ငွေကြေးအရင်းအနှီးရရှိရေး၊ နည်းပညာတိုးတက်ရေး၊ ဈေးကွက်ရရှိရေးနှင့် စီမံခန့်ခွဲမှုဆိုင်ရာ အတတ်ပညာ ရရှိရေးတို့အတွက် အသင်းချုပ်နှင့် လက်တွဲပူးပေါင်းဆောင်ရွက်သွားမည်ဖြစ်ကြောင်း ပြောကြားခဲ့သည်။

“နိုင်ငံတော်နှင့် ပြည်သူများရဲ့ စီးပွားရေး ဖွံ့ဖြိုးတိုးတက်မှုဟာ ပုဂ္ဂလိကစီးပွားရေးလုပ်ငန်းများဖွံ့ဖြိုးတိုးတက်မှုအပေါ် များစွာမှီတည်လျက်ရှိနေပါတယ်၊ ပုဂ္ဂလိကကဏ္ဍ စီးပွားရေး ၀န်းကျင်ကြီးတစ်ခုလုံး ဖွံ့ဖြိုးဖို့ ညီနောင် အသင်းအဖွဲ့တွေနဲ့ ဖွဲ့စည်းထားတဲ့ အသင်းချုပ်ကြီးက ခိုင်မာတဲ့ရပ်တည်ချက်နဲ့ ဆောင်ရွက်မှသာ ခက်ခဲနေတဲ့စီးပွားရေးလုပ်ငန်းများကို အောင်မြင်စွာ ကျော်လွှားနိုင်မှာဖြစ်ပါတယ်၊ ဒါကြောင့်မို့လို အားလုံးလက်တွဲကာ တညီတညွှတ်တည်း ကြိုးစား ဆောင်ရွက် သွားကြပါ” ဟု ရန်ကုန်တိုင်းဒေသကြီးဝန်ကြီးချုပ် ဦးဖြိုးမင်းသိန်းမှလည်း အမှာစကားတွင် တိုက်တွန်းပြောကြားခဲ့သည်။

အသင်းချုပ်အနေဖြင့် မြန်မာနိုင်ငံအတွင်းရှိ စီးပွားရေးလုပ်ငန်းအဖွဲ့အစည်းများကို ကိုယ်စားပြုသည့် အကြီးမားဆုံး အဖွဲ့ကြီးဖြစ်သလို နိုင်ငံတော်အတွက် အလွန်အရေးပါသော စီးပွားရေးကဏ္ဍကြီးတွင် ပါဝင်နေသဖြင့် အသင်းချုပ်၏ ရည်ရွယ်ချက်နှင့် လုပ်ငန်းတာဝန်များအရ လုပ်ငန်းများကို လှုပ်ရှားဆောင်ရွက်လုပ်ကိုင်ရာတွင် ပွင့်လင်းမြင်သာမှုရှိစွာဖြင့် ထိရောက်စွာလုပ်ကိုင်ဆောင်ရွက်နေမှုများအား နှစ်ပတ်လည် အစည်းအဝေးတွင် နှစ်ပတ်လည်အစီရင်ခံစာနှင့် ဘဏ္ဍာရေး ရှင်းတမ်းတို့ဖြင့် ဖတ်ကြားတင်ပြခဲ့ကြသည်။

အသင်းချုပ်၏ (၂၆) ကြိမ်မြောက်နှစ်ပတ်လည် အသင်းသားစုံညီအစည်းအဝေးကို စီမံကိန်းနှင့်ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးကျော်ဝင်း၊ စက်မှုဝန်ကြီးဌာန ပြည်ထောင်စုဝန်ကြီး ဦးခင်မောင်ချို၊ ရန်ကုန်တိုင်းဒေသကြီးဝန်ကြီးချုပ် ဦးဖြိုးမင်းသိန်း၊စီးပွားရေးနှင့်ကူးသန်းရောင်းဝယ်ရေးဒုတိယ၀န်ကြီး ဦးအောင်ထူး၊ ရန်ကုန်မြို့တော်စည်ပင်သာယာရေးကော်မတီဥက္ကဋ္ဌ (မြို့တော်ဝန်) ဦးမောင်မောင်စိုး၊ ဌာနဆိုင်ရာအသီးသီးမှ အမြဲတမ်း အတွင်းဝန်များ၊ ညွှန်ကြားရေးမှူးချူပ်များနှင့် တာဝန်ရှိပုဂ္ဂိုလ်များ၊ ရန်ကုန်တိုင်းဒေသကြီးအစိုးရအဖွဲ့ဝင်ဝန်ကြီးများ၊ မြန်မာနိုင်ငံဆိုင်ရာနိုင်ငံတကာသံရုံးများမှ သံအမတ်ကြီးများနှင့် စီးပွားရေးသံမှူးများ၊ နိုင်ငံတကာအဖွဲ့အစည်းများမှတ တာဝန်ရှိပုဂ္ဂိုလ်များ၊ အသင်းချုပ်နာယကကြီးများ၊ အကြံပေးပုဂ္ဂိုလ်များ၊ ဗဟိုအလုပ်အမှုဆောင်နှင့် အလုပ်အမှုဆောင်များ၊ အသင်းသူ အသင်းသားများ၊ ညီနောင်အသင်းအဖွဲ့များမှ ဥက္ကဋ္ဌနှင့် အမှုဆောင်များဖြင့် အောင်မြင်စွာ စည်ကားသိုက်မြိုက်စွာ ကျင်းပနိုင်ခဲ့သည်။

ကုန်သည်စက်မှုအသင်းချုပ်

About the Author

UMFCCI Administration Team. Please contact the Public Relations Unit at UMFCCI, Tel: 01-2314344 Ext 323.

View all posts by

Leave a Comment

comm comm comm