စိုက်ပျိုးရေး ဖွံ့ဖြိုးတိုးတက်မှု မဟာဗျူဟာ (တတိယ-မူကြမ်း) အပေါ် သဘောထားအမြင်နှင့် အကြံဥာဏ်ရယူရေး အလုပ်ရုံဆွေးနွေးပွဲ ကျင်းပ

Written by  //  June 27, 2017  //  Government News, UMFCCI News  //  No comments

စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၏ စိုက်ပျိုးရေး ဖွံ့ဖြိုးတိုးတက်မှု မဟာဗျူဟာ (တတိယမူကြမ်း) အပေါ် ရန်ကုန်တိုင်းဒေသကြီးရှိ လယ်ယာ သားငါးကဏ္ဍ စီးပွားရေးလုပ်ငန်းရှင်များနှင့် လယ်ယာသားငါးကဏ္ဍ တတ်သိပညာရှင်များ၏ သဘောထား အမြင်နှင့် အကြံဥာဏ် ရယူရေး အလုပ်ရုံဆွေးနွေးပွဲကို ကုန်သည်စက်မှုအသင်းချုပ်၌ ဇွန်လ ၂၇ ရက်နေ့တွင် ကျင်းပခဲ့သည်။

စိုက်ပျိုးရေးဖွံ့ဖြိုးတိုးတက်မှု မဟာဗျူဟာ Agricultural Development Strategy (ADS) သည် သက္ကရာဇ် ၂၀၃၀ ခုနစ်တွင် မြန်မာနိုင်ငံသည် စားနပ်ရိက္ခာနှင့် အာဟာရ ပြည့်ဝဖူလှုံပြီး အထွက်နှုန်းမြင့်မား၍ ရာသီဥတု ဒဏ်ခံနိုင်သော စိုက်ပျိုးရေးကဏ္ဍမှ ကမ္ဘာ့ဈေးကွက်ကို ယှဉ်ပြိုင်နိုင်ကာ ကျေးလက်နေ လုပ်ကွက်ငယ် တောင်သူများ၏ လူနေမှုအဆင့်အတန်းမြင့်မားလာစေရန် မျှော်မှန်းသည်။

အခမ်းအနားတွင် အသင်းချုပ် ဒုတိယဥက္ကဋ္ဌ ဦးရဲမင်းအောင်မှ အဖွင့်အမှာစကားပြောကြားရာတွင်
“Agricultural Development Strategy (ADS) က ထူးခြားတဲ့ဆောင်ရွက်မှုဖြစ်ပါတယ်၊ Framework on Economic and Social Reform၊ National Export Strategy စသည်တို့ကဲ့သို့ ယခင်က ဆောင်ရွက်ခဲ့သော နည်းလမ်းများ၊ မဟာဗျူဟာများကို ပြန်လည်သုံးသပ်ပြီး၊ ကောင်းနိုးရာရာတွေကို ပြန်လည်စုစည်းပြီး လုပ်ထားတာပါ၊ လစ်ဟာချက်များကို ပြန်လည်ဖြည့်တင်းပြီးမှ ၊ Value- Added ဖြစ်အောင် လုပ်ထားတာ ဖြစ်ပါတယ်” ဟု ပြောကြားခဲ့သည်။

“ယနေ့အလုပ်ရုံဆွေးနွေးပွဲက ADS ကို ကောင်းသထက်ကောင်းအောင် ထပ်မံဆွေးနွေးမှာဖြစ်ပါတယ်၊ ADS ကို မြန်မြန်ပြီးအောင် ဝိုင်းဝန်းပြုစုကြမယ်၊ ဖွံ့ဖြိုးရေးမိတ်ဖက်အဖွဲ့အစည်း၊ စီးပွားရေးမိတ်ဖက်ရဲ့ အကူအညီ လိုအပ်ပါတယ်၊ ဝိုင်းဝန်းအကြံပြုဆွေးနွေးပေးကြပါ၊ မဟာဗျူဟာတွေ၊ ခိုင်မာတဲ့မူဝါဒတွေရှိမှသာ လုပ်ငန်း ဆောင်ရွက်နိုင်မှု ပိုမိုမြန်ဆန်အောင်မြင်မှာ ဖြစ်ပါတယ်” ဟု ၄င်းက ဆက်လက်ပြောကြားခဲ့သည်။
အလုပ်ရုံဆွေးနွေးပွဲ ကျင်းပရခြင်း ရည်ရွယ်ချက်၊ မြန်မာ့လယ်ယာ၊ သားငါးကဏ္ဍမူဝါဒ (၂၀၁၆ ခုနစ်) ၏ အနာဂတ် လားရာအမြင်နှင့် စိုက်ပျိုးရေး ဖွံ့ဖြိုးတိုးတက်မှု မဟာဗျူဟာ မူဘောင်ကို ဦးစံသိန်း အမျိုးသား အတိုင်ပင်ခံ၊ မဟာဗျူဟာရေးဆွဲရေးအဖွဲ့မှ ရှင်းလင်းတင်ပြခဲ့သည်။

Download (PDF, 4.94MB)

Download (PDF, 7.1MB)

တက်ရောက်သူများထံမှ လယ်ယာသားငါးကဏ္ဍ ဖွံ့ဖြိုးတိုးတက်ရေးအတွက် ကဏ္ဍအလိုက် အဓိက အရေးကြီး ကိစ္စရပ်များ ဆွေးနွေးတင်ပြခဲ့ရာ

ဆန်စပါးကဏ္ဍ၊ ဆီထွက်သီးနှံကဏ္ဍ၊ ပဲမျိုးစုံ၊ ငါးမွေးမြူရေးနှင့် ငါးစာထုတ်လုပ်ရေး၊ Green Banking and Sustainable Climate Resilient Agriculture, သစ်သီးဝလံ၊ပန်းမန်၊ဟင်းသီးဟင်းရွက်ကဏ္ဍ၊ ဓာတ်မြေသြဇာ၊ မျိုးစေ့နှင့် စိုက်ပျိုးရေးဆေးလုပ်ငန်းများ၊ ရာဘာစိုက်ပျိုး ထုတ်လုပ်မှုကဏ္ဍ၊ ကြံသကြားနှင့် စက်မှုလုပ်ငန်းကဏ္ဍ စသည့် ကဏ္ဍတို့မှ အသီးသီး ဆွေးနွေးအကြံပြုခဲ့ကြသည်။

သြဂုတ်လတွင် ADS စတုတ္ထမူကြမ်းထွက်ရှိမည်ဖြစ်ပြီး သြဂုတ်လကုန်တွင် ADS English/ Myanmar Version ထွက်ရှိ၍ ပြည်သူများအား အသိပေးပွဲပြုလုပ်မည်ဖြစ်ကြောင်း သိရှိရသည်။

ကုန်သည်စက်မှုအသင်းချုပ်

About the Author

View all posts by

Leave a Comment

comm comm comm