အဂတိလိုက်စားမှုကို ပူးပေါင်းဆန့်ကျင်မည်ဖြစ်ကြောင်း ကုန်သည်စက်မှုအသင်းချုပ် နှင့် အဂတိလိုက်စားမှု တိုက်ဖျက်ရေးကော်မရှင် ကြေညာ

Written by  //  July 2, 2018  //  Press Releases, UMFCCI News  //  No comments

                    ပြည်တွင်းစီးပွားရေးလုပ်ငန်းရှင်များအကြား ကျင့်ဝတ်ပြည့်ဝသော စီးပွားရေးလုပ်ငန်းအလေ့အကျင့်များ ဖွံ့ဖြိုးလာစေရေး နှင့် အဂတိလိုက်စားမှုကို ဆန့်ကျင်ရေးအတွက် ပူးပေါင်းဆောင်ရွက်မည်ဖြစ်ကြောင်း ပြည်ထောင်စု သမ္မတ မြန်မာနိုင်ငံ ကုန်သည်များနှင့် စက်မှုလက်မှုလုပ်ငန်းရှင်များအသင်းချုပ် (ကုန်သည်စက်မှုအသင်းချုပ်) နှင့်  မြန်မာနိုင်ငံ အဂတိလိုက်စားမှု တိုက်ဖျက်ရေးကော်မရှင်တို့ ဇူလိုင်လ ၂ ရက်နေ့ နံနက်ပိုင်းတွင် ရန်ကုန်မြို့၊ ကုန်သည်စက်မှုအသင်းချုပ် အဆောက်အဦ၌ ပူးတွဲကြေညာသည်။ 

                      နှစ်ဖက်အဖွဲ့အစည်းများအနေဖြင့် ပြည်တွင်းစီးပွားရေးလုပ်ငန်းများ နှင့် ကုန်သည်စက်မှုအသင်းချုပ်၏ အသင်းဝင် ကုမ္ပဏီများအတွင်း  စီးပွားရေး လုပ်ငန်းဆိုင်ရာ ကျင့်ဝတ်စည်းမျဉ်း (Code of Conduct) ကို ရေးဆွဲကာ လိုက်နာလုပ်ဆောင်ကြစေရန် ပူးပေါင်းကူညီသွားမည်ဖြစ်ကြောင်း နှင့် အဂတိလိုက်စားမှုဆိုင်ရာ အသိပညာပေး အစီအစဉ်များ နှင့် စွမ်းရည်မြှင့်အစီအစဉ်များ ဆောင်ရွက်ရေးစသည့် လုပ်ငန်းများ၌ ပူးပေါင်းဆောင်ရွက်သွားမည် ဖြစ်ကြောင်း ကြေညာသည်။ အဂတိလိုက်စားမှု ဆန့်ကျင်ခြင်း ပူးတွဲကြေညာချက်ကို ကုန်သည်စက်မှုအသင်းချုပ် ဥက္ကဋ္ဌ ဦးဇော်မင်းဝင်း နှင့် မြန်မာနိုင်ငံ အဂတိလိုက်စားမှု တိုက်ဖျက်ရေးကော်မရှင် ဥက္ကဋ္ဌ ဦးအောင်ကြည်တို့က လက်မှတ် ရေးထိုးခဲ့ကြသည်။

            “နိုင်ငံအတွင်းမှာ ရှိကြတဲ့ စီးပွားရေးလုပ်ငန်းများဟာ အဂတိလိုက်စားမှုမှာ ပါဝင်ခြင်းမရှိကြပဲ အဂတိလိုက်စားမှုကို နားလည်ပြီး ရှောင်ကြဉ်ကြဖို့ လိုပါတယ်။ ဒါမှလည်း မြန်မာနိုင်ငံမှာ စီးပွားရေး ပတ်ဝန်းကျင်ကောင်းတစ်ခု ပေါ်ပေါက်လာပြီး နိုင်ငံတကာရင်းနှီးမြှုပ်နှံမှုတွေ၊ အကျိုးတူ ပူးပေါင်းဆောင်ရွက်မှုတွေ ပိုမိုဝင်ရောက်လာမှာပါ” ဟု ကုန်သည်စက်မှုအသင်းချုပ် ဥက္ကဋ္ဌ ဦးဇော်မင်းဝင်းက ပြောသည်။    

            ပူးတွဲကြေညာချက်တွင် လုပ်ငန်းကုမ္ပဏီများအကြား နှင့် ပုဂ္ဂလိကကဏ္ဍ အသင်းအဖွဲ့များ အကြားတွင်  အဂတိလိုက်စားမှု ဆန့်ကျင်ခြင်းဆိုင်ရာ သတင်းအချက်အလက်များ နှင့် အလေ့အကျင့်ကောင်းများ ဝေမျှနိုင်ရန် ကွန်ရက်များတည်ဆောက်ခြင်း နှင့် United Nations Global Compact Network Myanmar နှင့် ချိတ်ဆက်ဆောင်ရွက်ခြင်း လုပ်ငန်းများကိုလည်း ပူးပေါင်းဆောင်ရွက်မည်ဖြစ်ကြောင်း ဖော်ပြထားသည်။

            အဂတိလိုက်စားမှုကို ရှောင်ကြဉ်ခြင်း နှင့် ဆန့်ကျင်ခြင်းအားဖြင့် ဌာနဆိုင်ရာများ၊ အဖွဲ့အစည်းများ နှင့် လုပ်ငန်းကုမ္ပဏီများ မိမိတို့၏ ဂုဏ်သိက္ခာကို တည်ဆောက်မြှင့်တင်ကြပါဟု  မြန်မာနိုင်ငံ အဂတိလိုက်စားမှု တိုက်ဖျက်ရေးကော်မရှင် ဥက္ကဋ္ဌ ဦးအောင်ကြည်က အခမ်းအနားတွင် တိုက်တွန်းသည်။ ကော်မရှင်အနေဖြင့် ပြည်ထောင်စုအစိုးရ ဌာနဆိုင်ရာများနှင့် ပြည်နယ်နှင့် တိုင်းဒေသကြီးအစိုးရများတွင် အဂတိလိုက်စားမှု တားဆီးကာကွယ်ရေးအဖွဲ့ (Corruption Prevention Unit) များ ဖွဲ့စည်းပြီး ကိုယ်တိုင်တာဝန်ယူနိုင်ကြရန် စီစဉ်နေကြောင်း ဦးအောင်ကြည်က ပြောသည်။

            ယနေ့လက်မှတ်ရေးထိုးခြင်းသည် အဂတိလိုက်စားမှုတိုက်ဖျက်ရေးလုပ်ငန်းစဉ်တွင် အစိုးရ နှင့် ပုဂ္ဂလိကကဏ္ဍ ပူးပေါင်းဆောင်ရွက်မှုကို အရှိန်အဟုန်မြှင့်တင်နိုင်မည်ဖြစ်ကြောင်း ကုန်သည်စက်မှုအသင်းချုပ် အကြံပေးပုဂ္ဂိုလ် ပါမောက္ခ ဒေါက်တာအောင်ထွန်းသက်က မှတ်ချက်ပေးသည်။

            “ဒီလက်မှတ်ရေးထိုးခြင်းဟာ မြန်မာနိုင်ငံရဲ့သမိုင်းမှာ အလွန်ထူးခြားလေးနက် တန်ဖိုးရှိတဲ့၊ ဂုဏ်သိက္ခာရှိတဲ့ လုပ်ငန်းစဉ်တစ်ရပ် ဖြစ်လာလိမ့်မယ်လို့ မျှော်လင့်ပါတယ်” ဟု မြန်မာနိုင်ငံ အဂတိလိုက်စားမှု တိုက်ဖျက်ရေးကော်မရှင် ဥက္ကဋ္ဌ ဦးအောင်ကြည်က ပြောသည်။

ကုန်သည်စက်မှုအသင်းချုပ်

ဒေါက်တာအောင်ထွန်းသက်

ဦးဇော်မင်းဝင်း

ဦးအောင်ကြည်

About the Author

UMFCCI Administration Team. Please contact the Public Relations Unit at UMFCCI, Tel: 01-2314344 Ext 323.

View all posts by

Leave a Comment

comm comm comm