Ease of Doing Business သတင်းထုတ်ပြန်ချက်

Written by  //  March 1, 2019  //  Notifications, Press Releases, UMFCCI News  //  No comments

ပြည်ထောင်စုသမ္မတမြန်မာနိုင်ငံ ကုန်သည်များနှင့်စက်မှုလက်မှုလုပ်ငန်းရှင်များ အသင်းချုပ် (UMFCCI) သည် မြန်မာနိုင်ငံ၏ စီးပွားရေးဖွံ့ဖြိုးတိုးတက်မှုအတွက် ကဏ္ဍပေါင်းစုံမှ ပါဝင်လှုပ်ရှားဆောင်ရွက်လျက်ရှိရာ မြန်မာနိုင်ငံ၏ စီးပွားရေးလုပ်ငန်းများလုပ်ကိုင်ရလွယ်ကူမှုအခြေအနေ (Ease of Doing Business Ranking) အဆင့်မြင့်တက်လာရေးအတွက် တာဝန်ခံဝန်ကြီးဌာနဖြစ်သည့် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ကမ္ဘာ့ဘဏ်အုပ်စုမှ နိုင်ငံတကာဘဏ္ဍာရေးကော်ပိုရေးရှင်း ( IFC – World Bank Group) တို့နှင့်လက်တွဲ၍ ကြိုးစားကူညီဆောင်ရွက်လျက်ရှိပါသည်။

Doing Business အစီရင်ခံစာဆိုသည်မှာ ကမ္ဘာ့ဘဏ် (World Bank) မှ တစ်နှစ်တစ်ကြိမ် ထုတ်ပြန်သောအစီရင်ခံစာဖြစ်ပါသည်။ နိုင်ငံပေါင်း ၁၉၀ ရှိ ပြည်တွင်းစီးပွားရေးလုပ်ငန်းများ၏လုပ်ငန်းများလုပ်ဆောင်ရန် အဆင်ပြေလွယ်ကူမှုကို တိုင်းတာဖော်ပြသော အစီရင်ခံစာဖြစ်ပြီး ကမ္ဘာတစ်ဝှန်းရှိ အစိုးရများနှင့် ရင်းနှီးမြှုပ်နှံသူများက အမြဲစောင့်ကြည့် လေ့လာဖတ်ရှုကြသော အစီရင်ခံစာတစ်အုပ်လည်းဖြစ်ပါသည်။

ကမ္ဘာ့ဘဏ်သည် အဆိုပါအစီရင်ခံစာကို ၂၀၀၃ ခုနှစ်မှ စတင်ထုတ်ပြန်ခဲ့ပါသည်။ မြန်မာနိုင်ငံသည် ၂၀၁၄ ခုနှစ်မှ စတင်၍ Ease of Doing Business အစ်ီရင်ခံစာတွင် ပါဝင်လာခဲ့ပြီး ၊ စီးပွားရေးလုပ်ငန်းများ လုပ်ကိုင်ရလွယ်ကူမှုအဆင့် (DB Ranking) နှင့် အကောင်းဆုံးအနေအထားသို့အကွာအဝေးရမှတ် (Distance to Frontier Score – DTF ) တို့အတွက် အမှတ်ပေးသတ်မှတ်မှုများ ခံယူရရှိခဲ့ပါသည်။

Doing Business အစီရင်ခံစာသည် ပြည်တွင်းစီးပွားရေးလုပ်ငန်းငယ်များ၏ လုပ်ငန်းစတင်ထူထောင် ချိန်မှစ၍ ပိတ်သိမ်းချိန် အထိကြုံတွေ့ဖြတ်သန်းရသော ယျေဘုယျအခြေအနေများအတွက် ယူဆချက်များ ( Assumption) နှင့် ကိစ္စရပ်လေ့လာမှုများ (Case Study) တည်ဆောက်ပြီး၊ စစ်တမ်းများကောက်ယူခြင်းအားဖြင့် ဆန်းစစ်လေ့လာ ခြင်းဖြစ်ပါသည်။

ထိုအစီရင်ခံစာတွင်ပါဝင်သော အညွှန်းကိန်း (Indicator) များမှာ –
(၁) စီးပွားရေးလုပ်ငန်းစတင်ခြင်း (Starting a Business)
(၂) ဆောက်လုပ်ရေးလိုင်စင်လျှောက်ထားခြင်း (Dealing with Construction Permits)
(၃) လျှပ်စစ်မီးရရှိခြင်း (Getting Electricity)
(၄) ပိုင်ဆိုင်မှုမှတ်ပုံတင်ခြင်း (Registering Property)
(၅) ချေးငွေရရှိခြင်း (Getting Credit)
(၆) အစုရှယ်ယာအနည်းစုရင်းနှီးမြှုပ်နှံသူများကို အကာအကွယ်ပေးခြင်း(Protecting Minority Investors)
(၇) အခွန်ထမ်းဆောင်ခြင်း (Paying Taxes)
(၈) နယ်ခြားဖြတ်ကျော်ကုန်သွယ်ခြင်း (Trading across Borders)
(၉) စာချုပ်ပါသဘောတူညီချက်အတိုင်း စီရင်ချက်ချမှတ်ခြင်း (Enforcing Contracts) နှင့်
(၁၀) ကြွေးမဆပ်နိုင်ခြင်းကို ဖြေရှင်းခြင်း (၀ါ) လူမွဲခံယူမှုကိုဖြေရှင်းခြင်း (Resolving Insolvency) တို့ဖြစ်ပါသည်။

အမှတ်ပေးတိုင်းတာမှုများသည် စီးပွားရေးလုပ်ငန်းများစတင် တည်ထောင်ခြင်း ထူထောင်သည့်အချိန် မှ ပိတ်သိမ်းသည့်အချိန်အထိ လိုက်နာဆောင်ရွက်ရမည့် သတ်မှတ်လုပ်ငန်းစဉ် စည်းမျဉ်း များ (Procedures) ၏ ရိုးရှင်းလွယ်ကူမှု၊ ဆောင်ရွက်ရန်ကြာမြင့်ချိန် (Time) နှင့် ငွေကြေးကုန်ကျမှု (Cost) တို့ကို အဓိကစစ်တမ်းကောက်ယူပြီး အမှတ်ပေး၍တိုင်းတာဖော်ပြခြင်းဖြစ်သည်။ အဆင့် (DB Ranking) သည် နိုင်ငံပေါင်း ၁၉၀ နှိုင်းယှဉ်ချက်ဖြစ်ပြီး ၊ ရမှတ် (DTF Score) သည် မိမိနိုင်ငံအတွက် ရမှတ်ဖြစ်ကာ အမှတ် ၁၀၀ အပေါ်တွင် အခြေခံဖော်ပြသော အမှတ်ဖြစ်သည်။

မြန်မာနိုင်ငံ၏ စီးပွားရေးလုပ်ငန်းများလုပ်ကိုင်နိုင်မှုအခြေအနေနှင့် ပတ်သက်ပြီး ပကတိအနေအထားများကို နိုင်ငံတကာမှ သိရှိနိုင်ရန်အတွက် စစ်တမ်းမေးခွန်းလွှာများကို မှန်ကန်စွာဖြေဆိုပြီး ကမ္ဘာ့ဘဏ်ရှိ Doing Business အဖွဲ့သို့ အချိန်မီပေးပို့ရန်အရေးကြီးပါသည်။ သို့မှသာ Doing Business အစီရင်ခံစာတွင်ဖော်ပြမည့် မြန်မာနိုင်ငံ၏ အချက်အလက်များမှာ ပကတိအနေအထားများကို ထင်ဟပ်လျှက် ဖော်ပြပါရှိလာမည်ဖြစ်ပါသည်။ ၂၀၁၉ ခုနှစ်အတွက် မေးခွန်းလွှာများကိုhttp://www.doingbusiness.org/en/methodology တွင် ယခုလေ့လာနိုင်ပြီး၊ ၂၀၂၀ ခုနှစ်အတွက် မေးခွန်းလွှာဖြေဆိုလိုသူများ အနေဖြင့် http://www.doingbusiness.org/en/contributors/doing-business/ become-partner မှအွန်လိုင်းဖောင်ပုံစံကို မှန်ကန်စွာဖြည့်စွက်တင်သွင်းလျက် မေးခွန်းလွှာဖြေဆိုသူ (Contributor) အဖြစ်ပါဝင်ဆောင်ရွက်နိုင်ပါသည်။

မြန်မာနိုင်ငံ၏ စီးပွားရေးဖွံ့ဖြိုးတိုးတက်မှုအတွက် ပြည်တွင်းပြည်ပမှ ရင်းနှီးမြှုပ်နှံမှုများဝင်ရောက်လာခြင်းအားဖြင့် စီးပွားရေးနှင့် လူမှုရေးကိစ္စများတွင် အကျိုးကျေးဇူးများစွာရရှိလာမည်ဖြစ်ရာ မိမိသက်ဆိုင်ရာကဏ္ဍအလိုက် စစ်တမ်း မေးခွန်းလွှာများကို အားဖြည့်ဖြေဆိုခြင်းအားဖြင့် မြန်မာနိုင်ငံ၏ပုံရိပ်ကို ပူးပေါင်းမြှင့်တင်ကြပါရန် ကုန်သည်/ စက်မှု အသင်းချုပ်မှ တိုက်တွန်း အကြောင်းကြားအပ်ပါသည်။

ကုန်သည်/စက်မှုအသင်းချုပ်

About the Author

UMFCCI Administration Team. Please contact the Public Relations Unit at UMFCCI, Tel: 01-2314344 Ext 323.

View all posts by

Leave a Comment

comm comm comm