UMFCCI The Republic of The Union of Myanmar
Federation of Chambers of Commerce and Industry

Thai - Myanmar Business Matching Health & Beauty 2023 ကျင်းပ

ဇန်နဝါရီလ ၁၁ ရက်

ထိုင်းနိုင်ငံ၏ ကျန်းမာရေးနှင့်အလှအပဆိုင်ရာ လုပ်ငန်းများနှင့် စီးပွားမိတ်ဖက် တိုက်ရိုက် တွေ့ဆုံ ဆွေးနွေးခွင့်ရသည့် Thai – Myanmar Business Matching Health and Beauty 2023 ပြပွဲကြီးကို ယနေ့ ၂၀၂၃ ခုနှစ် ဇန်နဝါရီလ (၁၁) ရက်နေ့တွင် ရန်ကုန်မြို့ Novotel  Hotel ၌  ကျင်းပပြုလုပ်ခဲ့ပါသည်။  

ပြပွဲတွင်  မြန်မာနိုင်ငံဆိုင်ရာ ထိုင်းသံရုံး  Royal Thai Embassy မှ   Minister Counsellor, Assoc. Prof. Thanawut Naigowit ၊ ဟိုတယ်နှင့်ခရီးသွားလာရေးဝန်ကြီးဌာန ပြည်ထောင်စုဝန်ကြီး ဒေါက်တာဋ္ဌေးအောင်၊ ပြည်ထောင်စုသမ္မတမြန်မာနို်ငငံ ကုန်သည်များနှင့် စက်မှုလက်မှုလုပ်ငန်းရှင်များအသင်းချုပ်  ဥက္ကဋ္ဌ ဦးအေးဝင်း၊ မြန်မာနိုင်ငံ ပုဂ္ဂလိက ဆေးရုံများအသင်း ဥက္ကဋ္ဌ ဒေါက်တာထင်ပေါ် ၊ မြန်မာနိုင်ငံ အလှကုန်အသင်း ဥက္ကဋ္ဌ  ဒေါက်တာစုလှဟန်တို့မှ တက်ရောက်အမှာစကားများ ပြောကြားကာ ပြပွဲအခမ်းအနားကို ဖဲကြိုးဖြတ် ဖွင့်လှစ် ပေးခဲ့ကြသည်။

ပြပွဲကို ထိုင်း-မြန်မာ ရင်းနှီးမြှုပ်နှံမှုများ တိုးမြှင့်ရန်၊ ကုန်သွယ်မှုနှင့် စီးပွားရေး အခွင့်အလမ်းများ တိုးတက်လာစေရန်၊ အရေးပါသော ချိတ်ဆက်မှုများ ရရှိစေရန် နှင့် အကျိုးအမြတ်များ ပိုမိုဖြစ်ထွန်း တိုးတက် လာစေရန်အတွက်  ရည်ရွယ်၍ ကျင်းပပြုလုပ်ခြင်းဖြစ်ပြီး ထိုင်းနိုင်ငံရှိ အရည်အသွေး ပြည့်ဝစံချိန် မှီသော Health Checkup , Medical Treatment Programs,  Beauty & Cosmetics Products များကို ရှာဖွေနေသူများအတွက် အထူးသင့်လျော်သော  Event ပွဲကြီးဖြစ်ပါသည်။

ပြပွဲတွင် အတွေ့အကြုံ (၁၀)နှစ်ကျော် ရှိသော အသားအရေ ထိန်းသိမ်းအလှကုန်နှင့် ဖြည့်စွက်စာများ ထုတ်လုပ်ရန်အတွက် ပြီးပြည့်စုံသော စက်ရုံများ၊ ခေတ်မီ ထုတ်လုပ်ရေး လုပ်ငန်းများမှ ကိုယ်စားလှယ်များ ၊ သွင်းကုန် ထုတ်ကုန် လုပ်ငန်းရှင်များ၊ ဖြန့်ဝေသူများ၊ လက်ကား လုပ်ငန်း ရှင်ကြီးများ၊ ရင်းနှီးမြှုပ်နှံသူများနှင့် တိုက်ရိုက် တွေ့ဆုံခွင့်ရသည့် ထိုင်း-မြန်မာ စီးပွားရေး လုပ်ငန်းလုပ်ငန်းရှင်များ အချင်းချင်း ချိတ်ဆက်ဖလှယ် ခဲ့ကြသည်။ မြန်မာနိုင်ငံနှင့် ထိုင်းနိုင်ငံအကြား ရေရှည် တည်တံ့ခိုင်မြဲသော စီးပွားရေးလုပ်ငန်းများ ရရှိစေနိုင် မှာလည်း ဖြစ်ပါသည်။  

            Thai- Myanmar Business Matching Health and Beauty 2023 ကို နှစ်စဉ်နှစ်တိုင်း ကျင်းပပြုလုပ်လျက်ရှိပြီး Department of International Trade Promotion, Ministry of Commerce, Thailand (DITP)  အပြည်ပြည် ဆိုင်ရာ ကုန်သွယ်မှုမြှင့်တင်ရေးဝန်ကြီးဌာန (DITP) မှ   ပါဝင် ကူညီပံ့ပိုးထားပါသည်။ 

ပြပွဲတွင် ထိုင်းနိုင်ငံရှိ ထိပ်တန်းဆေးရုံကြီးများတွင် ဆေးကုသမှုခံယူလိုသူများကိုလည်း အခမဲ့ ဆွေးနွေးပေးသည့်အပြင် Cosmetic လုပ်ငန်းစိတ်ဝင်စားသူများ၊ မိမိ Brand နာမည်နှင့် စတင်ဖြန့်ချီလိုသူ များအနေဖြင့်လည်း ထိုင်းနိုင်ငံမှ နာမည်ကြီး OEM (Own-Equipment Manufacturing), ODM (Own – brand manufacturing) စက်ရုံများနှင့် တိုက်ရိုက်တွေ့ဆုံဆွေးနွေးနိုင်သည့် ပြခန်းပေါင်း (၂၆)ခုကို ပြသခဲ့ကြသည်။  

                                                                                                       ကုန်သည်စက်မှုအသင်းချုပ် ( UMFCCI)